Ըմպելիքներ և մթերքներ, որ անմիզապահության պատճառ են դառնում

Չափազանց շատ ջուր

Եթե ջրազրկությունից խուսափելու համար դուք չափազանց շատ ջուր եք խմում, սա կարող է լինել հաճախակի զուգարան վազելու պատճառներից մեկը, հատկապես, եթե դուք տառապում եք միզապարկի հիպերակտիվությամբ: Փորձե՛ք օրվա համար անհրաժեշտ ջրի չափաբաժինը բավարարել օրվա առաջին կեսին և սահմանափակե՛ք հեղուկի ընդունումը երեկոյան ժամերին, հակառակ դեպքում այն կարող է նաև քնի հետ կապված խնդիրներ առաջացնել:

Չափազանց քիչ ջուր

Ջրի օգտագործումը սահմանափակելով՝ դուք մեծացնում եք միզուղիներում վարակների առաջացման բոլոր հավանականությունները՝ մասնավորապես ցիստիտի: Այս հիվանդության ախտանիշներից մեկը հաճախակի զուգարան գնալն է:

Բացի այդ, խտացված մեզը գրգռում է միզապարկը, այդ պատճառով պետք է ուշադիր լինել մեզի գույնի հանդեպ. այն պետք է լինի թափանցիկ կամ փոքր-ինչ դեղնավուն, եթե մեզն ավելի մուգ է, ապա պետք է մեծացնել ջրի ընդունման չափաբաժինը:

Ալկոհոլ

Ցանկացած ալկոհոլային ըմպելիք ջրազրկում է առաջացնում՝ օրգանիզմին ստիպելով ազատվել միջբջջային և ներբջջային հեղուկից: Այդ պատճառով ալկոհոլի օգտագործումը հաճախ է ուղեկցվում դեպի զուգարան այցերով: Ջրազրկումից խուսափելու համար սահմանափակե՛ք ալկոհոլի քանակը և սպիրտային ըմպելիքներից հետո սովորական ջուր խմե՛ք:

Սուրճ, թեյ, էներգետիկ ըմպելիքներ

Կոֆեին պարունակող բոլոր ըմպելիքները նպաստում են միզարտադրությանը: Խորհուրդ է տրվում օգտագործել առանց կոֆեինի թեյ:

Շոկոլադ

Շոկոլադը նույնպես կոֆեին է պարունակում: Առանց կոֆեինի շոկոլադ չի լինում, սակայն սպիտակ շոկոլադում կոֆեինը զգալիորեն քիչ է: Ամբողջ գիշեր զուգարան չվազելու համար մի՛ օգտագործեք շոկոլադ երեկոյան ժամերին և նախապատվությունը տվե՛ք սպիտակ շոկոլադին:

Ցիտրուսային մրգեր և հյութեր

Նարնջում, կիտրոնում, լայմում, թուրինջում պարունակվող օրգանական թթուները գրգռում են միզապարկը և առաջացնում միզարտադրություն: Այսպիսի հատկությունը հատուկ է նաև հյութերում օգտագործվող արհեստականորեն քաղցրություն հաղորդող նյութերին:

Անանաս

Այս միրգը նույնպես պարունակում է մրգային թթուներ, որոնք գրգռում են միզապարկը: Բացի այդ անանասը պարունակում է մեծ քանակությամբ կալիում, որը նպաստում է օրգանիզմից ավելորդ հեղուկի հեռացմանը:

Լոլիկ

Լոլիկը օրգանական թթուներ ու կալիում պարունակող մեկ այլ ռեկորդակիր մթերք է: Ընդ որում, խոսքը գնում է ոչ միայն զուտ բանջարեղենի, այն նաև լոլիկի հյութի, կետչուպի, ինչպես նաև տոմատի մածուկի մասին:

Գազավորված ըմպելիքներ

Բոլոր գազավորված ըմպելիքները՝ շամպայնից մինչև հանքային ջուր, գրգռում են միզապարկի պատը և առաջացնում միզարտադրություն: Այդ պատճառով հիպերակտիվ միզապարկ ունեցող մարդկանց խորհուրդ է տրվում գազավորված ըմպելիքներ ըմպելուց առաջ նախ ազատվել գազից:

Համեմունքներ

Համեմունքներն ու կծու կերակուրները գրգռում են միզապարկը և ստիպում մեզ հաճախակի գնալ զուգարան: Սակայն դա չի նշանակում, որ պետք է հրաժարվել պղպեղից, այլ պարզապես պետք է հասկանալ համեմունքի ձեզ հարմար չափաբաժինը:

Քաղցրեղեն

Շաքարը, մեղրն ու արկեստականորեն քաղցրություն հաղորդող նյութերն ընդունակ են գրգռելու միզապարկը նույնիսկ պղպեղից ավելի ուժեղ՝ արդյունքում առաջացնելով միզարտադրություն: