Համային նախընտրություններ, որոնք խոսում են առողջության մասին

Որոշակի մթերքների հանդեպ առանձնակի նախապատվությունը խոսում է օրգանիզմում կենսական կարևորության նյութերի անբավարարության մասին:

Քաղցր: Դուք սթերսի մեջ եք. չէ՞ որ գլյուկոզան ակվտիվորեն մասնակցում է սթերիսի հորմոնի՝ ադրենալինի արտադրությանը: Այդ պատճառով նյարդային ու մտավոր գերհոգնածության դեպքում շաքարն ավելի արագ է լուծվում, և օրգանիզմը շարունակաբար նոր ծավալներ է պահանջում: Այս պարագայում փորձե՛ք սահմանափակվել գոնե դառը շոկոլադով:

Աղի: Եթե սնունդն անընդհատ անալի է թվում, ապա սա կարող է օրգանիզմում բորբոքման կամ վարակի նոր օջախ առաջացնել: Հավանական է, որ այս խնդիրները կապված են միզասեռական համակարգի՝ ցիստիտի, պրոստատիտի հետ և այլն: Ինչպես նաև աղի սննդի մեծ պահանջ կարող է առաջանալ իմունիտետի թուլացման պատճառով:

Թթու: Թթուն ստամոքսի թթվայնության իջեցման ազդանշանն է: Հաճախ հանդիպում է գաստրիտի ժամանակ, երբ ստամոքսահյութ քիչ է արտադրվում: Կարելի է ախտորոշել գաստրոսկոպիայի միջոցով:

Դառը: Հնարավոր է, որ սա օրգանիզմի թունավորման ազդանշանն է մինչև վերջ չբուժված հիվանդությունից հետո: Եթե անընդհատ զգում եք դառը համով ինչ-որ բան ուտելու կարիք, ապա ծանրաբեռնված աղիքի համար կարելի է բեռնաթափման օրեր կազմակերպել:

Կծու: Սա "ծույլ" ստամոսքսի համախտանիշն է: Այսինքն՝ ստամոքսը դանդաղ է մարսում սնունդը և նրան պղպեղի պես մի "հարված" է հարկավոր: Կծվի նկատմամբ պահանջը կարող է պայմանավորված լինել նաև լիպիդային փոխանակման և "վատ" խոլեստերինի քանակության ավելացման հետ: Կծու սնունդը նպաստում է ճարպերի դուրս բերմանը և "մաքրում է" անոթները: Սակայն ոչ մի դեպքում չի կարելի չարաշահել կծու սնունդը:

Տտիպ: Եթե հանկարծ, օրինակ, խուրմայի պահանջ եք զգում, սա հուշում է այն մասին, որ ձեր օրգանիզմի պաշտպանիչ ուժերը թուլանում են: Տտիպ համով մթերքները նպաստում են մաշկի բջիջների բաժանմանը (օգնում են լավացնել վերքերը), լավացնում են մաշկի գույնը, կանգնեցնում են արյունահոսությունը: Սակայն տտիպ սնունդը խտացնում է արյունը, ինչը կարող է վտանգավոր լինել արյան բարձր մակարդելիություն ունեցող, ինչպես նաև տրոմբագոյացման հակվածություն ունեցող մարդկանց համար (վարիկոզի, հիպերտոնիայի, սրտային որոշ հիվանդությունների դեպքում):

Անթթխմոր: Սա կարող է հուշել գաստրիտի կամ նույնիսկ բարձր թթվայնությամբ ստամոքսի խոցի մասին: Այսպիսի նախասիրությունը կարող է լինել նաև լյարդի ու լեղապարկի խնդիրների արդյունք: Անթթխմոր սնունդը թուլացնում ու հանգստացնում է ստամոքսը:
Կարևոր է իմանալ.

Եթե ցանկացած սնունդ ձեզ անհամ է թվում, ապա սա կարող է լինել համային խանգարմամբ ուղեկցվող դեպրեսիայի արդյունք: Երբեմն համային ընկալումների խանգարումներն առաջանում են գլխուղեղի խանգարումների ժամանակ, երբ վնասվում են համի նյարդային ընկալիչները:

Աղբյուրը՝ Doctors.am