Երգչուհի, ով հանուն Հ. Մխիթարյանի պատրաստ էր «Շախտյորի» հիմնը երգել հայերեն. Գայտանա` արևոտ կինը
Էկզոտիկ գեղեցկուհի, տնտեսագետ, պինգ-պոնգի սպորտի վարպետ, հեղինակ և կատարող Գայտանան ոչ մեկին անտարբեր չի թողնում: Նա պարզապես բարություն ու պարզություն է շողարձակում, տալիս է լավատեսություն և դրական էներգիա:
-Գայտանա, Դուք շատ տարբեր եք, հաճախ փոխում եք Ձեր կերպարները: Չե՞ք սիրում միօրինակություն, թե՞ դա Ձեր բեմական իմիջի տարր է, իսկ կյանքում նախընտրում եք միօրինակությունը:
-Ցանկացած փոփոխություն իմ արտաքին տեսքի վրա կապված է իմ ներքին փոփոխությունների' տրամադրության փոփոխության կամ անկման հետ: Ես սիրում եմ տարբեր լինել: Իմիջս երբեք հենց այնպես չեմ փոխել, դա եղել է իմ սրտի ու հոգու թելադրանքով: Եթե փոփոխություն եմ ուզում, ես կարող եմ դա ինձ թույլ տալ: Միշտ պետք է ներդաշնակության մեջ լինես ինքդ քեզ հետ:
-Ձեզ դո՞ւր է գալիս լինել ուշադրության կենտրոնում:
-Ամեն ինչ տրամադրությունից է կախված: Եթե լավ տրամադրություն ունեմ և ամեն ինչ լավ է, ապա իհարկե դուրս եմ գալիս տանից և մարդկանց ուրախություն պարգևում: Իսկ եթե ինձ անկարևոր եմ զգում, ապա զգում եմ, որ այդ օրը չեմ կարող 100 տոկոսով տրվել հանրությանը, ապա ավելի լավ է մնամ տանը: Ես փորձում եմ մարդկանց միայն դրականը տալ: Իսկ երբ լավ տրամադրություն ունեմ, ապա ոչ մի խնդիր չկա, որ ինձ ճանաչում են:
-Ովքե՞ր են Ձեր ընկերները:
Ես երբեք չեմ սիրում հանրային դարձնել իմ ընկերական շրջանակը: Բայց, այնպես է ստացվել, որ Ալյոնա Վիննիցկայան հանրահայտ մարդ է, ում ճանաչում են բոլորը և իհարկե մեր ընկերությունը թաքցնելն անհնար է: Ես ընդհանրապես մարդկանց չեմ տարբերակում նրանք աստղ են, թե ոչ: Ես ունեմ ընկերուհիներ, ում հետ ընկերություն եմ անում դեռ դպրոցից, արդեն տևական ժամանակ: Մենք հին ժամանակների պես կատակում ենք, խոսում կանանց վերաբերող տարբեր թեմաներից և այդ հանդիպումներից մեծ հաճույք ենք ստանում: Լավ, ջերմ ու բարի. միայն այսպիսի մարդկանցով եմ ես ինձ շրջապատում:
-Ինչպե՞ս եք հարթում կոնֆլիկտային իրավիճակները:
-Դա այն է, ինչ պետք է իմանա յուրաքանչյուր կին' կարողանա ցանկացած կոնֆլիկտային իրավիճակը հարթել: Իհարկե, ես փորձում եմ, չնայած պայթյունավտանգ բնավորություն ունեմ: Երբեմն չեմ կարողանում ինքս ինձ վերահսկել: Ես փորձում եմ ինքնակատարելագործվել: Փառք Աստծո, որ ես ունեմ երաժշտությունը, որում կարողանում եմ լիցքաթափել իմ էմոցիաները: Բոլորին խորհուրդ եմ տալիս գտնել իրենց սիրելի զբաղմունքը, որը հոգուց է բխում, չէ՞ որ դա շատ կարևոր է: Ցանկացած երկխոսություն պետք է սիրով սկսել:
-Ի՞նչն եք սիրում ու ի՞նչը չեք սիրում կյանքում:
-Սիրում եմ անկեղծություն: Ատում եմ սուտն ու կեղծիքը:
-Ի՞նչ կերպ եք հետևում Ձեր կազմվածքին:
-Իմ կարծիքով յուրաքանչյուրը պետք է ինքը որոշի, թե ինչպես հոգ տանի իր մասին: Ես շատ եմ վախենում հիվանդ լինելու զգացողությունից, դրա համար էլ չեմ դիմում պլաստիկ վիրահատությունների: Աշխատում եմ պահել իմ բնական գեղեցկությունը: Վերջին ժամանակներում ընդհանրապես կրեմներ չեմ օգտագործում, այլ միայն ձիթապտղի յուղ: Ամեն առավոտ և ամեն երեկո ձիթապտղին ավելացնում եմ եթերային յուղ և քսում մարմնիս: Դրանից հետո մաշկս դառնում է նուրբ ու թավշե: Շատ կարևոր է շատ ջուր խմել ու լավ բաների մասին մտածել:
-Ինչպես եք Ձեզ համար հագուստ ընտրում:
-Եթե զգում եմ, որ ցանկություն ունեմ խանութներով շրջելու, ապա անպայման հաճույքով դա անում եմ: Ես նախընտրում եմ պարզապես լավ հագուստ, որը համընկնում է իմ տրամադրությանը: Իմ ընտրությունը կախված չէ նորաձևությունից: Չնայած սիրում եմ Adidas Casual-ը. շատ հարմարավետ է: Եթե ես գիտեմ ինչ գնել, ապա միշտ գնում եմ «Ադիդաս» և գտնում եմ այն ինչ ինձ պետք է: Ես բեմի մարդ եմ, այդ պատճառով էլ իմ զգեստապահարանի անբաժանելի մասն են զգեստները: Ես նախընտրում եմ հագուստներս կարել տալ ուկրաինացի մոդելավորողների մոտ. Լինելով արտերկրում' կարող եմ զգեստ տեսնել և գնել այն, բայց սովորաբար ինքս եմ զգեստներ կարում հատուկ ինձ համար:
Հիշեցնենք, որ Գայտանան այն երգչուհին է, ով մոտ մեկ ամիս առաջ հայտարարել էր, որ ինքը «Շախտյորի», իսկ ավելի ստույգ Հենրիխ Մխիթարյանի երկրպագուհին է և հանուն Մխիթարյանի ինքը պատրաստ է «Շախտյորի» օրհներգը կատարել հայերենով, եթե Մխիթարյանը խփի 25 գնդակ: