Սիրիայում ռազմական ինքնաթիռ է խփվել

Նախնական տեղեկությունների համաձայն՝ սիրիացի ապստամբները Հալեպում կրակել են ռազմական ինքնաթիռի վրա: Այս մասին գրում է Reuters-ը:

Օդանավը նախքան ընկնելը` այրվել է: Օդանավի պատկանելությունը դեռևս բացահայտված չէ: Դեպքի հետ կապված մանրամասներ ևս չեն հաղորդվում:

Համացանցում լուսանկարներ են հայտնվում, որտեղից կարելի է ենթադրել, որ հրդեհված ինքնաթիռը Су-22 է եղել, որը պատկանում էր սիրիական օդուժին: