«Պաշտում եմ քեզ». Անի Երանյանի հուզիչ շնորհավորանքը մորը (լուսանկար)

Դերասանուհի Անի Երանյանը իր միկրոբլոգում մայրիկի հետ լուսանկար է հրապարակել, շնորհավորելով նրա ծննդյան տարեդարձը. «Իմ Մամա, անծայրածիր այս աշխարհի միլիոնավոր մարդկանց միջից Աստված հենց քեզ է տվել ինձ ու դու մենակ իմ մաման ես:

Մամ ջան, խոնարհվում եմ քո առաջ, որ ամբողջ կյանքդ մի վայրկյան անգամ ապրել ու ապրում ես ինձ համար: Համբուրում եմ ձեռքերդ, որ այդքան դժվարությունների միջով անցել ես անբիծ, մաքուր ու լուսավոր հենց իմ համար, որ այսօր կամ այն, ինչ դու ես ինձ կերտել, դաստիարակել ու կյանքի կոչել, ձեռքս բռնած անցել ես նաև իմ կյանքի դպրոցը:

Այնքան սեր ես տվել ինձ, ջերմություն ու հավատ, որ մի ամբողջ կյանք այդ ամենի պակասը չեմ զգա: Իմ բարի, իմ լուսավոր, իմ թանկ: Ես ամբողջ կյանք պարտական եմ քեզ: Հուսով եմ՝ մի օր կկարողանամ լիարժեք արժանի լինել քեզ: Պաշտում եմ քեզ: Շնորհավոր ծնունդդ (իմ ծնունդը), մամ ջան»,-գրել է դերասանուհին: