«Erdowie, Erdowo, Erdogan». Գերմանացիների ծաղրական տեսահոլովակը Թուրքիայի նախագահի մասին (տեսանյութ)

Գերմանացիները ծաղրական տեսահոլովակ են պատրաստել Թուրքիայի նախագահ Ռեջեփ Թայիփ Էրդողանի մասին: Տեսահոլովակում ծաղրում են Էրդողանի սարքած հսկայական պալատները, Մեծ Օսմանյան կայսրություն ստեղծելու նրա հավակնությունները:

Հատկապես շեշտում են այն, որ Էրդողանի օրոք խիստ բռնաճնշումների են ենթարկվում մամուլը և քաղաքացիական հասարակության ներկայացուցիչները.«Երբ լրագրողը մի բան է գրում, որն Էրդողանին դուր չի գալիս, նրա վերջը դառնում է բանտը»,-ասվում է երգի մեջ:

Հոլովակում, այն պահին, երբ Էրդողանը հանդիպում է Մերկելի հետ, երգի մեջ ասվում է.«Նրա հետ հաճելի վարվիր, քանի դեռ խաղաքարտերը նրա ձեռքում են»:

Հոլովակում շեշտվում է նաև այն, որ Էրդողանն ավելի շատ ռումբեր է օգտագործում քրդերի դեմ, քան «Իսլամական պետություն» ահաբեկչական խմբավորման: ՈՒ այդ ամենին ուշադրություն չդարձնելով` Եվրոպան իր փողերը Թուրքիային է տալիս: