Պատրիկ Ֆիորին պատմել է Հայոց ցեղասպանությունից փրկված իր ընտանիքի մասին
Ծնունդով հայ, սակայն Ֆրանսիայում բնակվող Պատրիկ ֆիորին «France 2» հեռուստաալիքին տված հարցազրույցի ժամանակ պատմել է իր մանկական հիշողությունների և Հայոց ցեղասպանությունից փրկված ընտանիքի մասին: Այս մասին հայտնել է «Novostink.ru»-ն:
Երգչի իրական ազգանունը Շուշանյան է: Ֆրանսիական հեռուստաալիքով նա պատմել է իր արմատների մասին: «Հորիցս շատ երկար ժամանակ է պահանջվել, որպեսզի պատմի մեզ այդ մասին, քանի որ նա չէր ցանկանում ցավ պատճառել մեզ: Սակայն մի օր ես բացատրություն պահանջեցի: Նա ասաց, որ մի գյուղում կար ընտանիք, ում մասին մոռացել էին` ազգին ոչնչացնողներ ցանկացողները: Ընտանիքի բոլոր անդամներն աղոթում էին` սպասելով, որ իրենց մոտ էլ կգան: Սակայն նրանց մասին մոռացել էին և դա Շուշանյանների ընտանիքն էր»,-պատմել է Ֆիորին:
Նշենք, որ Պատրիկը ծնվել է Մարսելում` 1969 թվականի սեպտեմբերի 23-ին: Ավելի ուշ ծնողները նրան տարել են Կորսիկա: Նրա հայրն ազգությամբ հայ է, մայրը` կորսիկուհի: Պատրիկի համերգային դեբյուտը տեղի է ունեցել 12 տարեկանում: Այն ժամանակ նա ելույթ է ունեցել Մարսելի օպերայում, որտեղ հրավիրված է եղել հայտնի դերասան Ֆրանկ ֆերնանդելի կողմից և մասնակցել իր առաջին երաժշտական կոմեդիայում` «La Legende des Santonniers»:
Միջազգային ճանաչումն այցելեց երգչին1993 թվականին «Եվրատեսիլ»-ում մասնակցություն ունենալուց հետո: Նա ելույթ է ունեցել նաև «Notre Dame de Paris» մյուզիքլում: 2010 թվականին դուրս է եկել նրա «L’instinct masculin» ալբոմը, որը 3 ամիս անց դարձել է պլատինե: