Ռուսաստանցիների 65%-ը ցանկանում է ևս մեկ անգամ տեսնել Պուտինին որպես ՌԴ նախագահ

Ռուսաստանցիների 65%-ը ցանկանում է, որ ևս մեկ անգամ Պուտինն ընտրվի նախագահ: Այս մասին հայտնում է Rambler.ru-ն:

Հարցման մասնակիցներից միայն 22%-ն է ցանկացել տեսնել նրա փոխարեն մեկ այլ մարդու: Ուսումնասիրությունների արդյունքում պարզ է դարձել, որ բնակչության 73%-ը վստահում է ներկայիս նախագահին և միայն 19%-ը չի վտահում: Մասնակիցների 38%-ի մոտ նա առաջացնում է հիացմունք: 30%-ը բացասական ոչինչ չի կարող ասել նրա հասցեին: 4%-ի մոտ նա առաջացնում է բացասական զգացմունքներ:

Այն հարցին, թե հատկապես ինչն է գրավում իրենց` ներկայիս նախագահի մեջ, նրանք պատասխանում էին` փորձառությունը (33%), հեռատեսությունը (21%), էներգիայով լի լինելը, հաստատակամ, կամքի ուժ ունենալը (31%), մարդ, ով պաշտպանում է պետական շահերը (25%): Յուրաքանչյուր երկրորդ մարդն անվանում էր նրան իսկական առաջնորդ` մարդ ով կարողանում է տանել իր ետևից և պահպանում է երկրի կայունությունը (14%):