Մոլդովայում Հայաստանը ներկայացրած Մարիաննա Ավանեսյանը վերադարձել է «Գրան Պրի»-ով (լուսանկարներ և տեսանյութ)

Վերջին ժամանակներս, Հայաստանն արտասահմանի միջազգային մրցույթներում մշտապես պատվավոր տեղեր է զբաղեցնում: Հերթական հաղթանակը Հայաստանն ունի Մոլդովայում:

Մոլդովայի Քիշինև քաղաքում մարտի 12-13-ը տեղի է ունեցել «Speranta» միջազգային մրույթ: «Speranta»-ում Հայաստանը ներկայացրել են Մարիաննա Ավանեսյանը և Նարինե Զարիֆյանի «Our Blues» երգով և արժանացել «Գրան Պրի»-ի:

Մրցույթին մասնակցել է 125 մասնակից՝ Հայաստանից, Մոլդովայից, Ռուսաստանից, Ուկրաինայից, Լեհաստանից և այլ երկրներից: Մարիաննա Ավանեսյանին մրցույթում ներկայացրել է Կատարողական արվեստի ասոցիացիան՝ ի դեմ Արման Ղուկասյանի, ով նաև հանդիսացել է մրցույթի ժյուրիի նախագահը:

Operativ.am-ի թղթակցի հետ զրույցում Մարիաննան ասաց, որ չի մտածել հաղթանակի մասին: «Կենտրոնացել էի լավ ելույթի վրա, որպեսզի պատվով ներկայանամ Մրցակցությունը շատ մեծ էր: Ուկրաինայի և Մոլդովայի մասնակիցներին էի հատկապես մրցակից համարում»,-ասաց նա:

Մարիանա Ավանեսյանը, ում բեմական Անունը Մարիաննա Լիմա է, սովորում է Կոմիտասի անվան կոնսերվատորիայի վերջին կուրսում: Նա մանկուց է երգում, իսկ պրոֆեսիոնալ վոկալով զբաղվում 5 տարեկանից: Հենց առաջին կուրսից երգչուհին հաջողություններ է գրանցել, ինչպես նաև «Ջազ» բենդի հետ համերգ է ունեցել:

Առաջին տեսահոլովակի երգի «Remember my love»-ի հեղինակն Արսեն Գրիգորյանն է: Առաջին երգին հաջորդել են երգչուհու հեղինակային երգերը: Երգչուհին բոլորովին վերջերս իր հեղինակային «Bloody rose» երգի հիման վրա նկարահանել իր 3-րդ տեսահոլովակը: 

Նշենք, որ 2015թվականին Մարիաննա Ավանեսյանը Հայաստանը ներկայացրել է Փարիզի «Etoiles te paris» և Սանկտ Պետրբուրգի «Fireworks of Talents» միջազգային մրցույթներում, որտեղ զբաղեցրել է 1-ին տեղերը:

Operativ.am-ը շնորհավորում է երգչուհուն և մաղթում նոր հաղթանակներ: