Իրինա Դուբցովան պատմել է իր էքստրեմալ հանգստի մասին
Երգչուհի Իրինա Դուբցովան վերադարձել է հանգստից: Նա եղել է միանգամից 3 երկրներում` Սինգապուր, Մալայզիա, Մալդիվներ: Այս մասին հայտնել է Rambler.ru-ն:
«Ի սկզբանե ես պլանավորել էի հանգստանալ հունվարին: Ես միշտ հանգստանում եմ աշնանային համերգային շրջագայությունից հետո, սակայն այս անգամ ավելի ուշ ստացվեց մեկնումը: Մենք ընկերներով գնացինք Սինգապուր, ցանկանում էի նոր երկիր տեսնել: Քաղաք-պետությունը հիացրեց իր գեղեցկությամբ և մաքրությամբ: Ես գիտեի, որ քաղաքներից մեկը կառուցվել է Ֆեն շույի կանոններին համաձայն: Դա իրոք զգացվեց: Այնտեղ անցկացրած 3 օրերից հետո, ամբողջ ուժերս վերականգնվեցին և կարողացա տրամադրվել հետագա աշխատանքի համար: Այնուհետև մեկնեցինք Մալայզիա, սակայն այնտեղ ինձ տհաճ անակնկալներ էին սպասվում»,- ասել է երգչուհին:
Երգչուհին չի կարողացել վայելել հանգիտը և հիանալ երկրի գեղեցկությամբ: «Անմիջապես հյուրանում տեղավորվելուց հետո սկսվեց ուժեղ անձրև: Այդ օրը ես հիվանդացա, սկսեցի ջերմել և այդ ամենը անծանոթ քաղաքում: Կանչեցինք բժիշկներ, սկսեցի օգտագործել դեղամիջոցներ և վերականգնվել: 3 օր անցկացրեցի անկողնում, իսկ անձրևը չէր էլ մտածում դադարել: Քանի որ ոչինչ չունեի անելու միացրեցի հեռուստացույցը և տեղեկացա Մոսկվայում գրիպի համաճարակի մասին: Որոշեցի, որ հաջողակ եմ, քանի որ հիվանդացա այստեղ, ոչ թե Մոսկվայում: Արդյունքում որոշեցի մեկնել Մալդիվներ: Անմիջապես գնեցի տոմս և մեկնեցի կղզի: Բացարձակապես չեմ փոշմանել»,- ասել է երգչուհին: