Դեռ ոչ մեկը չէր կոտրել իմ ոսկորները, սակայն նրանք դա փորձում են անել. արքայազն Ուիլյամն իր երեխաներ մասին
Քեյթ Միդլթոնը և նրա ամուսինը համարվում են օրինակելի ծնողներ: Սակայն նրանց համբերությունն անսպառ չէ: Ռեգբիստ մարզիկների հետ վերջին հանդիպման ժամանակ Ուիլյամը խոստովանել է, որ իր երեխաները` 2,5 տարեկան արքայազն Ջորջը և 9 ամսական արքայադուստր Շարլոտան, չեն թողնում իրեն կարոտել:
«Դեռ նրանցից ոչ մեկը չի կոտրել իր ոսկորները: Սակայն նրանք անընդհատ փորձում են դա անել: Նրանք վազվզում են, թռչկոտում: Խնդրում եմ, ասեք, որ հետագայում ավելի հեշտ կլինի»,-կատակել է արքայազնը:
Չնայած այդ խոսքերն ասելու պահին, Ուիլյամն այդքան էլ ուրախ տեսք չի ունեցել:
Իհարկե, թագավորական ընտանիքի անդամները նշում են, որ փոքրիկ արքայազնը խելացի տղա է մեծանում: Շատերն անգամ նրան համարում են հրաշամանուկ: Սակայն, արքայազն Ուիլյամն ավելի վաղ ևս նշե էրլ, որ «երեխան չափից ավելի աշխույժ է», և չի կարող նստել իր տեղում: Նույնիսկ սիրող հոր համար երեխան «մի քիչ շատ աղմկոտ է»: