Կենդանացած Դվին մայրաքաղաքը (տեսանյութ)
Տեսանյութեր2015 թ-ին Դվինը դարձավ 1680 տարեկան։ Հայ արքա Խոսրով Երկրորդի կողմից մ.թ.ա. 335 թվականին հիմնադրված քաղաքը տարածաշրջանային արհեստագործական և առևտրային խոշոր կենտրոն էր, իսկ 481 թ-ին Դվինը դարձավ Հայաստանի մայրաքաղաք և տասնամյակներ շարունակ Մետաքսի ճանապարհի գլխավոր քաղաքներից մեկն էր։ Այս մասին գրում է «Facts about Armenia» բլոգը։
Հայաստանի հին մայրաքաղաքի 3D մոդելը վերստեղծել է ճարտարապետ Աշոտ Ղազարյանը։ Երկու տարվա ընթացքքում (2013-2014 թվականներին) նա նկարել է Դվինի եռաչափ մոդելը՝ հատուկ «Անդին. Հայոց ճանապարհոդության տարեգրություն» փաստագրական ֆիլմի համար, որը պատմում է Հին Հայաստանի և Հնդկաստանի, Չինաստանի, Մետաքսի ճանապարհի այլ երկրների հետ հարաբերությունների մասին։
Հին քաղաքի եռաչափ մոդելը ստեղծելու համար Աշոտ Ղազարյանն ուսումնասիրել է մեզ հասած բոլոր փաստաթղթերն ու գրքերը, որոնցից քաղած տեղեկատվությունն էլ վերածել է պատկերների։
Նշենք, որ հստակ տվյալները պահպանվել են միայն քաղաքի արտաքին պատի, քաղաքի մի քանի գլխավոր շինությունների՝ միջնաբերդի, եկեղեցու շուկայի մասին։ Քաղաքի մնացած մասը հեղինակը վերստեղծել է՝ օգտագործելով Հայաստանի հնէաբանության ինստիտուտի մասնագետների տված տվյալները։ Բնակչությունը եղել է 150 հազար։
Հայաստանի հին մայրաքաղաքը քանդվել է 863 թ-ի հզոր եկրաշարժից, որից հետո այն մասնակիորեն վերականգնվել է, սակայն 893 թ-ին երկրորդ ուժեղ երկրաշարժից հետո քաղաքի դեմքն ամբողջովին կորել է։ Երկրաշարժի հետևանքով քաղաքի փլատակներում կենդանի-կենդանի թաղված է մնացել մոտ 70 հազար մարդ։