Հարկ` գլխարկների, պատուհանների, մորուքի, թղթախաղի և այլնի համար
•Հարկ` գլխարկների համար
Այս հարկատեսակը սահմանվել է Անգլիայում 1784-1811 թվականներին վարչապետ Ուիլիամ Պիտերի կողմից: Այն վերաբերում էր միայն տղամարդկանց և նպատակ ուներ գումար հավաքել հարուստ վերնախավից: Ե՛վ թանկարժեք գլխարկներ վաճառողները, և՛ կրողները ստիպված էին մեծ գումարների դիմաց իշխանությունից թույլատվություն ստանալ: Օրենքին չենթարկվելու դեպքում պետք է վճարեին ահռելի տուգանքներ, իսկ ով կհամարձակվեր կնիքները կեղծել, կարժանանար մահապատժի:
•Հարկ` պատուհանների համար
Այս հարկատեսակը ստեղծվել է Անգլիայում և Շոտլանդիայում` 17-18-րդ դարերում: Այն ուներ սոցիալական, մշակութային և քաղաքաշինական նշանակություն: 1690-ական թվականներին ընդունված այս օրենքը նպատակ ուներ լրացնել ստեղծված ֆինանսական բացը: Օրենքի հետևանքով շինությունների պատուհանները նկատելիորեն նվազեցին, և միայն հարուստ խավի ընտաիքները կարող էին իրենց թույլ տալ ունենալ թվով շատ պատուհաններ: Այս հարկատեսակը ուժի մեջ մնաց մինչև 1851 թվականը:
•Հարկ` մորուքի համար
1535 թվականին Անգլիայի թագավոր Հենրիխ 8-րդ , ով նույնպես մորուք էր կրում, սահմանեց հարկ մորուքի համար: Այն նպատակ ուներ ստիպել մարդկանց ավելի հաճախ սափրվել:
•Միզելու հարկ
Այս հարկատեսակը ստեղծվել է հռոմեական առաջնորդների կողմից, ովքեր ստիպել են ցածր խավի մարդկանց միզել հատուկ տարաների մեջ, որը հետագայում օգտագործվել է տարբեր նպատակներով:
•Թղթախաղի հարկ
16-17-րդ դարերի ընթացքում Անգլիայում թղթախաղը մեծ տարածում ուներ: Այդ էր պատճառը, որ Անգլիայի թագավոր Յակով առաջինը որոշեց հարկ նշանակել թղթախաղով զբաղվելու համար: Սա լավ միջոց էր գումար կորզել բնակչությունից և թույլ տալ զբաղվել հաճելի գործով: Բոլոր նրանք, ովքեր հարկերը ժամանակին էին վճարում, թղթերի վրա ստանում էին հատուկ կնիքներ, ինչն էլ իրավունք էր տալիս նրանց օգտագործել խաղաթղթերը :
•Հարկ` քաղցրեղենի համար
2009 թվականին Իլլիոնոս նահանգի Հարկային տեսչության որոշմամբ հարկ սահմանվեց քաղցրեղենի վրա, որը ավելի բարձր էր, քան մյուս մթերքների համար վճարված հարկերը միասին վերցրեծ:
•Հարկ` մարզիկների եկամուտների համար
ԱՄՆ-ում հարկեր են վճարում բոլոր նրանք, ովքեր ժամանում են օտար նահանգ կամ քաղաք՝ գումար վաստակելու: Քանի որ նահանգների իշխանությունները չեն կարող հսկողություն սահմանել բոլոր օտարականների նկատմամբ, ուշադրությունը կենտրոնացնում են հայտնի և հարուստ մարդկանց վրա: Այս է պատճառը, որ նրանք ստիպված են հասարակությանը ներկայացնել իրենց աշխատանքային պայմանագրերը և եկամուտները:
•Հարկ` վախկոտության համար
Վախկոտության հարկը (նաև հարկ բանակային ծառայությունից խուսափելու համար) սահմանվել է այն մարդկանց պատժելու նպատակով, ովքեր չեն ցանկացել մարտնչել հանուն իրենց թագավորի՝ համարելով այն վախկոտություն: Սա մասամբ նպաստեց Մեծ խարտիայի ստեղծմանը: Այն մնաց ուժի մեջ մոտ 300 տարի և փոխարինվեց մինչև անգամ մահապատժով: