Օդային կամուրջ Չինաստանում
Այս ճեմուղին, անշուշտ, թույլ նյարդային համակարգով մարդկանց համար չէ: Ճեմուղու մի կողմում թափանցիկ ճաղավանդակն է, մյուս կողմում ժայռի մակերեսն է: Ճեմուղու բարձրությունը մոտ 1.22 կմ է, լայնությունը՝ մոտ 1 մետր, իսկ ապակու բարակությունը՝ 0.8 մետր: Իսկ եթե այս ամենը բավարար չէ ձեզ սարսափեցնելու համար, ավելացնենք, որ ճեմուղին պատրաստված է ապակուց, ինչը թույլ է տալիս բյուրեղյա պարզությամբ տեսնել անդունդը: Ճեմուղին գտնվում է Չինաստանի Չժանցյաձե քաղաքի Թյանմեն ժայռի վրա: Թյանմեն բառացի թարգմանաբար նշանակում է «երկնային դարպասների ժայռ», այսպես է կոչվել այն ահռելի բնական քարանձավի համար, որը գտնվում է գագաթի և լանջի ուղիղ մեջտեղում: 61 մետր երկարությամբ այս կամուրջը անցնում է Յունմենի հեքիաթային գագաթով, Թյանմեն ժայռի գագաթով և Չժան Ցյաձեով: Մի զվարճալի փաստ՝ կամուրջը մաքրողները շատ են վախենում անցնել այստեղով օրական մի քանի անգամ, այդ պատճառով նրանք հագցնում են զբոսաշրջիկներին հատուկ ոտնամաններ, որպեսզի ճանապարհը մաքուր մնա:
Նման մի ճեմուղի կառուցվել էր նաև ԱՄՆ-ում, Գրենդ Կանյոնում:
Գտնվելով Հունան շրջանում՝ Թյանմենի գագաթը ծովի մակերևույթից ամենաբարձր կետն է՝ 1524 մետր, այստեղ նաև աճեցվում են հազվագյուտ բույսեր: Այստեղ նախագծված է 6437 մետր երկարությամբ ճոպանուղի, որն իր տեսակի մեջ ամենաերկարն է աշխարհում: Եվ անկախ նրանից, թե ինչ ահավոր է այստեղով քայլելը, նախագծվում է կառուցել մի ուրիշ «օդային կամուրջ» հենց այս նույն շրջանում: Թյանմենից 132 կմ հեռու գտնվող Շիֆու ժայռն առաջարկում է զբոսաշրջիկներին 1 մետր լայնությամբ փայտից կառուցված ճանապարհ: Սակայն այն դեռ կիսակառույց է, շինարարությունն ավարտվելուն պես այն կդառնա Չինաստանի ամենաերկար տեսարժան վայր համարվող ճեմուղին՝ 2897 մետր: