Հետաքրքիր փաստեր Հնդկաստանի մասին
Հնդկաստանը մոլորակի հնագույն երկրներից է, և նրա պատմությունը բազում գաղտնիքներ ունի:Այն հարուստ է, հետաքրքիր, և ստորև կներկայացվեն որոշ հետաքրքիր փաստեր Հին Հնդկաստանի մասին, որոնցից շատերը նման են ֆանտաստիկայի:
Հին հնդիկ իմաստունները, ենթադրաբար, գիտեին տիեզերական ձգողության օրենքը և կարողանում էին կանխագուշակել լույսի արագությունը: Դեմոկրիտեսից և ժամանակակից ատոմային ֆիզիկներից առաջ հնդիկ Կանանդան կարողացավ ձևակերպել այսպես կոչված ատոմիստական ուսմունքը: Կան հետաքրքիր տեղեկություններ, որ Հին Հնդկաստանի բնակիչներն օգտագործում էին էլեկտրական ուժեր, որոնց գաղտնիքները կորսված են, և ամենայն հավանականությամբ, դրա միջոցով ստեղծում էին ատոմային ռումբեր բավականին պարզ տեխնոլոգիայով, ի տարբերություն ժամանակակիցների: Սակայն այս ամենը դեռ ենթադրություններ են:
Ինչևէ կան կոնկրետ փաստեր, որոնք էլ դժվար է մեկնաբանել:
Ժամանակակից գիտությունը մարդկության պատմությունը տեղավորել է ժամանակային որոշակի շրջանակներում՝ 5-6 հազար տարի: Հին Հնդկաստանը այս պարագայում իրենից ներկայացնում է յուրատիպ «արտեֆակտ», որը չի ինտեգրվում գիտության այդ շրջանակների և դրանց ժամանակակից պատկերացումների մեջ:
Ահա մի քանի օրինակներ.
108 թվանշանը, որը սուրբ է համարվում Արևելքում, Վիշնու աստծո՝ խաղաղության պահապանի ատրիբուտն է: Հին Վեդաներում այն մատնանշում է աշխարհի կառուցմանը: Զարմանալի է, բայց գիտնականները պարզել են, որ այն ցույց է տալիս Արևի ու Երկիր մոլորակի տրամագծերի, ինչպես նաև Երկրից Լուսին եղած հեռավորության ու Արևի տրամագծի հարաբերությունը: Այս հարաբերությունների հավասարությունը համընկնում է մինչև 1 տոկոս ճշգրտությամբ, ինչը հանդիսանում է բավականին հետաքրքիր մի փաստ. Հին Հնդկաստանի մոգերը իմացե՞լ են սրա մասին, թե՞ սա ուղղակի զուգադիպություն է:
Արդեն Ռիդվեդայում նկարագրվում են հսկայական աշխարհներ, որտեղ հնդիկների պատկերացումներովապրում են աստվածներ: Ժամանակակից գիտությունը դեռ մոտենում է այս ուղղության տվյալների ուսումնասիրությանը:
Մահաբհարատում և Ռամայանայում բավականին լավ նկարագրված են թռչող սարքեր՝ վիմաններ, որոնք նկարագրություններով շատ նման են ՉԹՕ-ներին նույնիսկ թռիչքի սկզբունքով:
Հին հնդկական էպոսում խոսվում է հսկայական պատերազմների մասին, որտեղ կիրառվում է «աստվածների զենքը»: Դրանց գործողությունները նման է ատոմային զենքի, վակումային ռումբերի, պլազմային թնդանոթների և այլ զենքերի էֆֆեկտներին, որոնցից շատերը մարդկությունը դեռ չի հայտնագործել:
Հնդկաստանի հին քաղաքներում հայտնաբերվել են մոտ 4000 տպիչ սարքեր, որոնցից շատերը կրկնօրինակներ են, ընդ որում հին գրի բոլոր նշաններն առկա են դրանց վրա: Այս ամենը խոսում է այն մասին, որ հնագույն տպիչ սարքով գրել են նույն վեդաները:
Մասնագետների կարծիքով հին լեզու սանսկրիտը, որի գրում էին հին հնդկական տեքստերը, ժամանակակից լեզուներից ավելի կատարյալ լեզու է, այն նաև, ըստ էության, իդեալական է ծրագրավորման համար: