Քեյթլին Ջենները գիրք կգրի՝ սեռափոխված մարդու հուշերի տեսքով
Օլիմպիական նախկին չեմպիոն Բրյուս Ջեններն արդեն կես տարի է, ինչ սեռափոխվել և դարձել է կին՝ Քեյթլին անունով: Այդ պահից նրա հայտնիությունն էլ ավելի մեծացավ, նրա անունը ճանաչվեց «Տարվա անուն», սակայն այս ամենով հայազգի աստղ Քիմ Քարդաշյանի խորթ հայրը չի պատրաստվում բավարարվել: Նա՝ որպես սեռափոխված մարդ, կգրի իր հուշերը: Այս մասին հայտնում է Cosmo.ru-ն:
Գիրքը լույս կտեսնի ընթացիկ տարվա գարնանը: Քեյթլինն իր հուշերը գրում է մի լրագրողի հետ միասին, ով կլսի Քեյթլինի պատմությունը, կշփվի նրա շրջապատի մարդկանց հետ և կգրի տեքստը:
«Ես նրան հայտնեցի, որ ինքը չպետք է թաքցնի ոչինչ: Ես կխոսեմ տասնյակ այլ մարդկանց հետ, և չնայած նրան, որ սա նրա գիրքն է, նա պարտավոր է ազնիվ լինել: Մենք ունենք իսկապես կարևոր գիրք գրելու հնարավորություն»,- հայտնել է լրագրող Բազ Բիսինգերը:
Քեյլթինը վիրահատության միջոցով սեռափոխվել էր 2015 թվականի հունիսին: