Սելին Դիոնը բեմ կվերադառնա փետրվարին
Երգչուհի Սելին Դիոնը բեմ կվերադառնա փետրվարին: Այս մասին գրում է Gazeta.ru-ն՝ հղում տալով People-ին: Ինչպես հայտնի է օրերս կյանքից հեռացել է նրա ամուսինը՝ Ռենե Անջելիլը, իսկ այնուհետ եղբայրը՝ Դանիել Դիոնը։ Նրանք երկուսն էլ մահացել են քաղցկեղից։
Ներկա պահին Սելին Դիոնի հերթական համերգը նախատեսված է փետրվարի 23-ին Լաս Վեգասում։«Այդպես կուզեր Ռենեն: Նա ցանկանում է, որ Դիոնը ելույթ ունենա և բեմ վերադառնա»,- թերթին պատմել է աղբյուրը: «Նա ավելի լավ գիտեր նրան, քան որևէ մեկը, և հնարավոր է՝ գիտի, որ հենց դա է իրեն անհրաժեշտ՝ ելույթ ունենալ»,- հավելել է նա։
Ինչպես հայտնի է վերջին մեկ տարվա ընթացքում երգչուհին մշտապես ամուսնու կողքին էր: Ինչպես փոխանցում է աղբյուրը՝ զույգն ունեցել է և՛ լավ, և՛ վատ օրեր: «Երբեմն նա չի կարողացել վեր կենալ, գնալ երեխաների սենյակ և նրան հետ խաղալ: Օրեր էին լինում, երբ նա շատ հոգնած էր լինում: Սելին Դիոնը մեկ տարվա ընթացքում օրվա 24 ժամը նրա կողքին էր անցկացնում, քանի որ նրա հետ ամեն պահ կարող էր մի բան պատահել»:
Երգչուհին հետաձգել էր իր համերգներն ամուսնու կողքին լինելու համար, ով տառապում էր կոկորդի քաղցկեղով: Երբ զույգն օրինականացրել էր իր ամուսնությունը՝ 1994 թվականին նրա ամուսինն այդ ժամանակ նրա պրոդյուսերն էր: