Սաշան ինձ է ընտրել, այլ ոչ թե ձեզ, ես իսկական եմ, իսկ դուք՝ կեղծ. Լիլիթ Բաբասյանը՝ իր ու ամուսնու աղմկահարույց տեսանյութի մասին
Լիլիթ Բաբասյանը՝ իր ու ամուսնու աղմկահարույց տեսանյութի մասին գրել է.
«Գիտե՞ք, թե ինչից եմ զզվում: Ես ամաչում եմ մեր ժողովրդի համար: Ես մեծացել եմ Ռուսաստանում ու ձեզնից տարբերվում եմ գիտեք թե ինչով. ես վայրենի չեմ, նախանձ չեմ, ես ինչ-որ բան թաքուն չեմ անում ու ինձ սրբի տեղ չեմ դրել: Ամառը եկել էինք Երևան ու ես նայում էի, թե ինչպես են սիրունիկ աղջիկները թաքուն ծխում զուգարանում, թե ինչպես են Երևանի կեսի հետ հանդիպել, իսկ հետո ասում, թե օյ, ես ոչ ոքի հետ չեմ հանդիպել, ինչպես էին հարբում ակումբներում ու զգեստները դառնում էին ներքնազգեստներ:
Գիտե՞ք, թե ես ինչով եմ տարբերվում: Ես իսկական եմ, իսկ դուք՝ կեղծ, ես կարող եմ ինձ արժանապատիվ մարդ անվանել, իսկ ձեզ անգամ ափսոս է մարդ անվանելը: Դուք չեք կարողանում հանգստանալ 3 տարի շարունակ, որ Սաշան ինձ է ընտրել, այլ ոչ թե ձեզ: Այնպիսին, ինչպիսին դուք եք, ձեզ օգտագործում են ու դեն նետում, իսկ իսկականներին սիրահարվում են ու ամուսնանում: Շարունակեք գրել ստորություններ, դուք արդեն մեզ չեք զարմացնի:
Իմ ամուսինն իմ ուժն ու հպարտությունն է:
Սիրում եմ քեզ, իմ ժողովուրդ, դու մեծ ես ու հզոր»: