29 Ապրիլ, 2013 19:27

«Մի' նայիր». Միհրան Ծառուկյանը նոր տեսահոլովակ ունի (լուսանկարներ)

29 Ապրիլ, 2013 19:27

Տեսախցիկներ, լույսեր, երգիչ, երաժշտություն, հերոսուհի… Միհրան Ծառուկյանը դարձյալ նկարահանման հրապարակում է եղել: Նրա նոր տեսահոլովակը նկարահանվել է «Մի′ նայիր» երգի հիման վրա:

«Երգի պրեմիերան կանենք հենց տեսահոլովակի տեսքով: Հուսով եմ' անակնկալս դուր կգա հանդիսատեսին ու իմ երկրպագուներին»,-BRAVO.am-ի հետ զրույցում ասել է Միհրան Ծառուկյանը' տեղեկացնելով, որ աշխատել է ռեժիսոր Արտյոմ Աբովյանի եւ ոճաբան Արայիկ Գաբաջյանի հետ:

Խոսելով երգի եւ տեսահոլովակի սյուժեի մասին' երգիչը շեշտել է, որ իր մարմնավորած հերոսը, նրա ապրումներն ու երգի բառերը բոլորովին կապ չունեն իր հետ եւ չեն արտացոլում իր հոգեվիճակը:

«Աղջիկը, կորցնելով սիրած տղային, որոշ ժամանակ անց զղջում է, ուզում հետ վերադարձնել, բայց արդեն ուշ է լինում… Տեսահոլովակն ավելի շատ իրավիճակային է եւ ներկայացնում է սիրելիին կորցնելուց հետո մարդկանց ծանր ապրումներն ու հոգեվիճակը»,-պատմել է Միհրան Ծառուկյանը:

«Մի′ նայիր»-ի հերոսուհուն մարմնավորում է Հակոբ Պարոնյանի անվան երաժշտական կոմեդիայի թատրոնի դերասանուհի Աննա Դավթյանը, որն առաջին անգամ է նկարահանվում տեսահոլովակում.«Բավական հետաքրքիր է. որպես դերասանուհի' պետք է մի քանի րոպեում ավելի խոր ու խտացված ներկայացնես ապրումներդ, հոգեվիճակդ»:

Նաեւ սերիալներում հանդես եկող Աննան մեզ հետ զրույցում նշել է, որ մինչ այս հրաժարվել է տեսահոլովակներում նկարահանվել. «Ցանկանում էի անպայման որպես դերասանուհի հանդես գալ, այլ ոչ թե գեղեցիկ արտաքինով մեկը, որին «օգտագործում» են տեսարաններ ստանալու համար»:

Ուղիղ խոսք բաժնում տեղ գտած մտքերն ու տեսակետները հեղինակի սեփականությունն են և կարող են չհամընկնել Operativ.am-ի խմբագրության տեսակետների հետ:

http://www.bravo.am/news/%D5%84%D5%AB%E2%80%B2-%D5%B6%D5%A1%D5%B5%D5%AB%D6%80.-%D5%84%D5%AB%D5%B0%D6%80%D5%A1%D5%B6-%D4%BE%D5%A1%D5%BC%D5%B8%D6%82%D5%AF%D5%B5%D5%A1%D5%B6%D5%A8-%D5%B6%D5%B8%D6%80-%D5%BF%D5%A5%D5%BD%D5%A1%D5%B0%D5%B8%D5%AC%D5%B8%D5%BE%D5%A1%D5%AF-%D5%B8%D6%82%D5%B6%D5%AB/#

«Մի' նայիր». Միհրան Ծառուկյանը նոր տեսահոլովակ ունի (լուսանկարներ)

Այս թեմայով