Անջելինա Ջոլին յոթերորդ երեխային է որդեգրել
Անջելինա Ջոլիի և Բրեդ Փիթի ընտանիքում հայտնվել է 9-րդ անդամը: Դերասանուհին յոթերորդ երեխային է որդեգրել: Այս մասին հայտնում է Dni.ru-ն:
Անջելինա Ջոլին գաղտնի որդեգրել է մեկամյա տղայի, ում անունն է Ալլոյ: Տղան Կամբոջայի անապահով ընտանիքներից մեկից է: «Որդեգրությունն անց է կացվել, ինչպես գաղտնի ռազմական գործողությունը: Էնջին չէր ցանկանում, որ Բրեդը կռահի այդ մասին, քանի որ դերասանուհին գիտի, որ Բրեդը դեմ է»,- նշվում է հաղորդագրության մեջ:
Հայտնի է, որ տղան, ում որդեգրել է Ջոլին, շատ աղքատ ընտանիքի 13 զավակներից մեկն էր: Ընտանիքի հայրն անաշխատունակ է: Ջոլին ոչ միայն որդեգրել է փոքրիկ տղային, այլև օգնում է նրա արյունակիցներին: Այսպես, դերասանուհին ոչ միայն ամեն ինչով ապահովել է ընտանիքին, այլև վճարել մեկ միլիոն դոլար, որպեսզի իր մոտ վերցնի ընտանիքի զավակներից մեկին:
Այն խոսակցությունները, որ հոլիվուդյան զույգը պատրաստվում է որդեգրել յոթերորդ երեխային, տարածվել էին դեռևս 2015 թվականի աշնանը: