Ձմեռ պապի նվերը ես եմ. Արթուր Բախտամյան
Հայերիս համար ամանորյա հերթական ավանդույթ է այն, որ յուրաքանչյուր ոք աշխարհի որ ծայրում էլ լինի, ձգտում է Նոր տարին դիմավորել ընտանիքում: Ի տարբերություն նրանց` մեր զրուցակիցը՝ հաղորդավար, ռեժիսոր, սցենարիստ, լրագրող Արթուր Բախտամյանը, Ամանորը դիմավորել է դիրքերում՝ զինվորների հետ, քանզի հենց նրանց շնորհիվ է, որ բոլորս մեր տներում հանգիստ դիմավորում ենք Ամանորը:
Operativ.am-ի թղթակցի հետ զրույցում Արթուր Բախտամյանը խոսել է 2015թ-ի իր ձեռքբերումների ու ամանորյա նվերի մասին:
Պարո՛ն Բախտամյան, ինչպիսին էր 2015 թվականը Ձեզ համար:
Ինձ համար նախորդ տարին հետաքրքիր շրջան էր: 2015թվականին ես նկարեցի մի ֆիլմ, որն ունի «Չարտասանված նոբելյան ճառեր» վերնագիրը: Ֆիլմի նկարահանումները Ստամբուլում, և դրա հետ կապված քննարկումները բավականին հետաքրքիր են անցել:
Ի՞նչ սպասումներ ունեք 2016 թվականից:
Կոնկրետ նախատեսած որևէ բան չեմ ակնկալում: Օքսֆորդի հայագիտական ամբիոնի հրավերով մեկնում եմ Լոնդոն ֆիլմը ցուցադրելու, և տարբեր քննարկումներ անգլերեն թարգմանելու համար: Իսկ մնացածը ժամանակը ցույց կտա:
Ձմեռ պապի նվիրած նվերներից ո՞րն եք ամենալավը համարում:
Ձմեռ պապի նվերը ես եմ: Նա ինձ է ստեղծել, իսկ ես այն պահից, որ սկսել եմ 2 ոտքի վրա կանգնել, սկսել եմ ձմեռպապություն անել մյուսների համար:
Ի՞նչ կմաղթեք մեր ժողովրդին:
Մաղթում եմ, որ մարդիկ շարունակ ու ամեն օր հետևողականորեն ցանկանան և կարողանան իրականանցնել իրենց ցանկությունները:
Operativ.am- շնորհավորում է Արթուր Բախտամյանին և մաղթում հաջողություններ: