Լուսինե Թովմասյանն իր գլխավոր ձեռքբերման և ամանորյա ամենատպավորիչ նվերի մասին

Ամանորը հեքիաթային տոն է: Իր գալուստով, այն նոր կյանք ու նոր շունչ է տալիս մարդկանց և նրանց կյանքին: 2015 թվականը գեղեցկուհի Լուսինե Թովմասյանի կյանքը նոր շնչով լցրեց. նրանց ընտանիքը համալրվեց հրաշք փոքրիկով: Operativ.am-ի թղթակիցը զրուցել է Լուսինե Թովմասյանի հետ՝ 2015 թվականին նրա ունեցած ձեռքբերումների, ամենասիրելի ամանորյա նվերի, և իհարկե, 2016 թվականից սպասելիքների և ակնկալիքների մասին: 

-Ո՞րն է 2015թ-ի Ձեր ամենամեծ ձեռքբերումը:

-2015 թվականի իմ ամենամեծ ձեռքբերումն իմ փոքրիկն է:

-Ինչպես բոլորը, այնպես էլ Դուք, կարծում եմ, հավատում եք Ձմեռ պապիկին, և իհարկե, ստացած կլինեք նվեր, որն առավել տպավորիչ է եղել: Ի՞նչ նվեր է դա եղել: 

-Ջրի փոքրիկ նավակ, որը հյուրասենյակում մնացել էր մինչև ամառ: Հիշում եմ, որ ժամանակի մեծ մասը ես և քույրս միասին այդ նավակում էինք անցկացնում:

- Սովորաբար, անկախ ամեն ինչից, յուրաքանչուր մարդ որևէ բան ակնկալում է Նոր տարուց: Ի՞նչ եք ակնկալում Դուք՝ 2016 թվականից:

-Յուրաքանչյուր Նոր տարի ակնկալիքները շատ են լինում կապված այդ տարվա հետ, քանի որ երազանքներ ու սպասումներ միշտ կան:

-Ո՞ւմ հետ և որտե՞ղ եք դիմավորելու Նոր տարին:

-2016 թվականը կդիմավորեմ Հայաստանում՝ ընտանիքիս հետ: 

5. Ի՞նչ կմաղթեք Ձեր երկրպագուներին, հարազատներին, ընկերներին և հայությանը:

Թող 2016 թվականը բոլորի համար հաջողակ, սիրառատ ու երջանիկ տարի լինի: Թող բոլորի երազանքներն իրականություն դառնան, չէ որ Ամանորը ամենահեքիաթային տոնն է:

Operativ.am-ը շնորհավորում  է գեղեցկուհուն և մաղթում երջանկություն: