Քիմ Քարդաշյանի ծննդաբերությունը բարդություններով է անցել
Շաբաթ օրը Քիմ Քարդաշյանն ու ռեփփեր Քանյե Ուեսթը որդի են ունեցել, ում անվանել են Սենտ Ուեսթ: Հաղորդագրության մեջ նշվել էր, որ մայրն ու որդին իրենց լավ են զգում, սակայն պարզվել է, որ ամեն ինչ այդքան էլ հարթ չի ընթացել: Այս մասին հայտնում է Spletnik.ru-ն:
Նախ, երեխան սխալ դիրք ուներ, ինչը դժվարեցրել է ծննդաբերության ընթացքը, սակայն սա խնդիրների միայն կեսն է: Երկրորդ հղիության ընթացքում Քիմ Քարդաշյանի ընկերքը մեծացել էր, ինչը հանգեցրել է բավականին երկարատև և շատ ցավոտ ծննդաբերության: Այն պատճառով, որ Քիմի մոտ արդեն երկրորդ անգամ է, ինչ ընկերքի մեծացում է տեղի ունենում, հնարավոր է, նրա արգանդը հեռացնեն:
Քիմը չի թաքցնում, որ երկրորդ ծննդաբերությունն իր համար իսկական փորձանք է եղել:
«Նրանք մեզ չեն տալիս ոչ մի ցավազրկող դեղամիջոց, և թույլ տվեք ասել, որ դա շատ ցավոտ էր: Սակայն ամեն ինչ լավ վերջացավ»,- գրել է ռեալիթի շոուի աստղը: