Իրանի կառավարությունն աշխատանքից ազատել է առանց հիջաբ լուսանկար հրապարակած դերասանուհուն (լուսանկար)

Իրանի կառավարությունը դերասանուհի Սադաֆ Տահերիանին արգելել է աշխատել երկրում, քանի որ նա առանց հիջաբի լուսանկար է հրապարակել Instagram-ում:Այս մասին գրում է Gazeta.ru-ն՝ հղում տալով  The Independent-ին:

Դերասանուհին սոցիալական ցանցի իր էջերում մշտապես հիջաբով է լուսանկարներ հրապարակել, սակայն ի նշան բողոքի՝ նա այս անգամ գլուխը բաց՝ առանց գլխաշորի է լուսանկար հրապարակել: 

Հարցազրույցների ժամանակ նա ասել է, որ դեմ է պարտադիր հիջաբ կրելուն և Իրանի կառավարության այլ ռեպրեսիվ գործողություններին:

Չնայած այն բանին, որ լուսանկարի հրապարակումից հետո բազմաթիվ վիրավորանքներ են հասցվել Սադաֆիին, անուամենայնիվ, դերասանուհին չի զղջում իր արած քայլի համար: