Երգչուհի Գաբին երբեք չի հանձնվում (տեսանյութ և լուսանկարներ)

Ստեղծագործական կյանքում «զղջացող և երանի տվող» երգչուհի Գաբին, որոշել է կյանքը նոր հունով շարունակել. դավաճանություններին ավելի թեթև է նայում, «խելքն ուտողներին, երազները խորտակողին» այլևս երանի չի տալիս, փոխարենն ասում է.«Չեմ ուզում ես քեզ, դու դավաճան ես»: Դրա վառ ապացույցը նրա «Դավաճան ես» նոր տեսահոլովակի ծնունդն է:

Նոր տեսահոլովակի, և երգչուհու դերասանական գործունեության մասին մանրամասներ իմանալու համար Operativ.am-թղթակիցը զրուցել է Գաբի Գալոյանի հետ:

Գաբի, նախորդ տեսահոլովակում «փխրուն» կերպարում էիք, իսկ հիմա, թեև կրկին շքեղ, սակայն համարձակ ու վստահ եք ներկայանում, ինչ կոչ  է անում Գաբին այս  երգով:

-Այս երգում կոչ եմ անում դավաճաններից ազատվել, չհուսահատվել ու կյանքը շարունակել: Կինը միշտ պետք լինի խնամված ու վստահ:

Ի՞նչ ընդհանրություններ ու տարբերություններ ունեք տեսահոլովակի Ձեր կերպարի հետ:

-Տեսահոլովակում պճնված  եմ, իսկ կյանքում՝ շատ ավելի հասարակ, գրեթե չեմ շպարվում: Հասարակ է նաև կերպարս, հոգեկան աշխարս: Ընդհանրություններից կնշեմ չհանձնվող լինելս: Ե՛վ տեսահոլովակում, և՛ կյանքում ես չհանձնվողների տեսակին եմ պատկանում:

Ի՞նչը կարող է հուսահատեցնել և ցավեցնել Ձեզ:

-Հիմա արդեն ես փորձում եմ մարդկանցից ոչինչ չակնկալել, դա ինձ օգնում է, որ ավելի քիչ հուսահատվեմ: Ես մարդկանց ընդունում եմ իրենց առավելություններով ու թերություններով: Ինձ ցավեցնում է ցանկացած կորուստ:

Ի՞նչ եք երազում

-Երազում եմ ապրել մի երկրում, որտեղ մարդիկ հոգեպես խաղաղ ու ներդաշնակ են: 

-Գաբի, վերջերս, Ձեր միկրոբլոգում լուսանկարներ էիք տեղադրում, որտեղ կարծես թե դերասանուհու կերպարում էիք, որոշել եք նաև դերասանուհու կարիերա սկսե՞լ:

-Ոչ: Պարզապես առաջարկ ստացա սիթքոմում խաղալու, հետաքրքրեց, որոշեցի փորձել: Այն կցուցադրվի հոկտեմբերին:

Operativ.am-ը շնորհավորում է երգչուհուն և բոռն ստեղծագործական կյանք մաղթում: