Երբ պետք է դպրոցն ավարտեի, դժբախտ դեպք եղավ, ծնողներս գրեթե ամեն ինչ կորցրեցին. Շուշան Երիցյան. Aysor.am
Չնայած երիտասարդ տարիքին` Շուշան Երիցյանը հասցրել է աշխատել Ազգային ժողովում, զբաղվել մոդելային և դերասանական գործունեությամբ: Aysor.am-ի հետ զրույցում նա անկեղծացել է և́ գործնակա, և́ անձնական հարցերի շուրջ:
-Բոլորովին վերջերս ավարտվեց Ձեր մասնակցությամբ «Սիրո գերին» հեռուստասերիալը: Այժմ ի՞նչ զբաղվածություն ունեք:
-Այժմ նոր նախագծի վրա ենք աշխատում, որում հանդես կգամ օրեր անց: Միայն կարող եմ ասել, որ հետաքրքիր նորություններ շատ են լինելու, փակագծերն ավելին բացել չեմ կարող:
-Շուշան, Ձեզ փորձել եք տարբեր բնագավառներում. մասնագիտությամբ փաստաբան եք, աշխատել եք Ազգային ժողովում, զբաղվել եք մոդելային կարիերայով, հանդես եք գալիս որպես դերասանուհի: Ի վերջո, Ձեր «տեղը» գտե՞լ եք, թե՞ դեռ պրպտումների մեջ եք:
-Արդեն երկար ժամանակ է, այդ առումով ինձ մոտ հստակություն կա. Հայաստանում զբաղվում եմ հանրայի գործունեությամբ, դերասանությամբ, բացառիկ դեպքերում համաձայնում եմ Հայաստանը ներկայացնել գեղեցկության համաշխարհային մրցույթներում:
-Պարտադրանքո՞վ եք ընտրել Ձեր մասնագիտությունը:
-Քանի որ ես մեծացել եմ շատ լիբերալ և սիրով լի ընտանիքում, ստիպողական ոչինչ չի եղել: Ծնողներիս հետ խորհրդակցելուց հետո հասկացանք, որ դիվանագիտությունը մանկուց լավ է ստացվել ինձ մոտ (ժպտում է):
-Ի՞նձ է թվում, թե մոդելային գործունեությունն ավարտել եք:
-Հայաստանում բացառիկ դեպքերում եմ դուրս գալիս պոդիում: Այժմ ամբողջովին ներգրավվել եմ դերասանական կարիերայի մեջ:
-Հաճախ տարիներ են անհրաժեշտ լինում, որպեսզի հեռուստատեսությունը քեզ իր «տուն» թողնի: Ձեզ մոտ այդ մուտքն ինչպե՞ս եղավ:
-Դա միանգամից տեղի ունեցավ և ոչ թե տարիների ընթացքում, աստիճանաբար: Անմիջապես սկսեցի աշխատել քասթինգ ստուդիաների ռեժիսորների հետ: Բոլորին շնորհակալ եմ ինձ այդքան վստահելու համար, այն մեծ աշխատանքի համար, որն ինձ հետ տարան:
-Մտավախություն չկա՞ր, որ կարող եք ձախողել:
-Ո́չ, ոչ մի վայրկյան չեմ մտածել այդ մասին: Վստահ էի, որ դա է իմը, իսկ մնացածը ժամանակի և աշխատանքի արդյունքում է լինում:
-Ամեն դեպքում, միգուցե որոշեք հմտանա՞լ դերասանի մասնագիտության մեջ, ընդունվեք թատերական ինստիտո՞ւտ:
-Չնայած այն հանգամանքին, որ ես քասթինգ ստուդիա եմ ավարտել, խաղացել եմ գեղարվեստական ֆիլմերում ու սերիալներում, միևնույն է` առաջնային նպատակս Թատերական ինստիտուտում սովորելն է:
Մանրամասներն՝ այստեղ: