«Морской узел» երգի ամենամյա միջազգային մրցույթում Սարո Գևորգյանը զբաղեցրել է 2-րդ տեղը
Ինչպես հայտնել էինք, Նովոռոսիսկ քաղաքում «Морской узел» երգի ամենամյա միջազգային փառատոնին Հայաստանը մասնակցում է արդեն13-րդ անգամ: Այս տարի Հայաստանը ներկայացրեց 16-ամյա Սարո Գևորգյանը: Սարոն Նադեժդա Սարգսյանի սանն է, սովորում է Երևանի մշակույթի պետական քոլեջում, Երգի պետական թատրոնում: Երգում է 4 տարեկանից: Տեղի և միջազգային մրցույթներում զբաղեցրել է պատվավոր 1-ին հորիզոնականները: 16-ամյա Սարոն ցանկանում է գրագետ երգիչ դառնալ և ունենալ ջերմ հադիսատես: Երգչի հաջողությունների և առաջիկա ծրագրերի մասին Operativ.am-ի թղթակիցը զրուցել է նրա հետ.
-Ի՞նչ կասեք մրցույթի մասին, Ձեր տպավորությունները:
-Շատ մակարդակով, ուժեղ մրցույթ էր, շատ հզոր մասնակիցներ կային: 1-ին հորիզոնականը գրավեց Մոսկվայի մասնակիցը, ով «Մոսկվայի ձայն»-ում 2-րդ տեղն է գրավել: 2-րդ հորիզոնականը գրավեցի ես, իսկ 3-րդ հորիզոնականն Իսրայելի մասնակից Ֆեյբի Ջեքսոնը: Լիտվայի մասնակիցը 2012թ. հաղթել է «Լիտվյայի ձայն»-ում իսկ այս մրցույթում գրավեց 4-րդ հորիզոնականը:
-Ի՞նչ տվեց մրցույթը Ձեզ:
-Ստացել եմ մրցանակներ, նվերներ, ամենակարևորը` լավ ընկերներ ձեռք բերեցի: Ինձ համար շատ մեծ պատիվ էր հանդես գալ 7000 հոգանոց հանդիսատեսի առջև: Հանդիսատեսն ինձ շատ ջերմ ընդունեց: Նաև շատ լավ ժամանակ անցկացրեցինք ծովի ափին:
-Ու՞մ էիք Ձեզ մրցակից համարում:
-Բոլորին
-Սա Ձեր որերո՞րդ մրցույթն էր:
-5 մրցույթի եմ մասնակցել:
-Ինչպիսի՞ երգեր եք նախընտրում:
-ժողովրդական, ջազային, Էստրադային և փոփ:
-Ի՞նչ ծրագրեր ունեք առաջիկայում:
-Անելիքներ շատ ունեմ, մրցույթներ նպատակներ, որոնց մասին դեռ չեմ ուզում խոսել, թող անակնկալ լինի:
-Ու՞մ շնորհիվ եք հաջողություներ գրանցում երգարվեստում:
-Նախ և առաջ շնորհակալ եմ իմ ծնողներին և ընտանիքի բոլոր անդամներին:Շնորհակալ եմ Արթուր Գրիգորյանին լավ խորհուրդների ու դաստիարակության համար: Շնորհակալ եմ Նադեժդա Սարգսյանին ինձ օգնելու, ինձ հետ բազմազան փորձեր անելու համար, լավ խորհուրդներ տալու համար, շատ եմ հարգում ու սիրում Ձեզ տիկին Սարգսյան: Շնորհակալ եմ Արամ Նիկոլանին, Սամվել Գրիգորյանին, Ռուսլան Էլյազյանին:
-Ի՞նչն է Ձեզ ուժ տալիս մրցույթներից առաջ:
-Երգելուց առաջ ես միշտ աղոթքն եմ ասում և խաչակնքվում եմ: Ես երախտապարտ եմ Աստծուն, որ ինձ նման տաղանդ է շնորհել:
-Ո՞րն է Ձեր երազանքը:
-Երազում եմ Բեյոնսեի հետ ելույթ ունենալ: