«Բալթիկայի ձայն» երգի միջազգային մրցույթում Հայաստանը ներկայացնող 11-ամյա Արման Սիմոնյանը հերթական հաղթանակը տոնեց (լուսանկարներ)
Ինչպես հայտնել էինք,11-ամյա Արման Սիմոնյանը «Ոսկե տաղանդներ ոսկե Պրահայում» մրցույթում զբաղեցրել էր 2-րդ հորիզոնականը և պատրաստվում էր Վիլնյուսում մասնակցել «Բալթիկայի ձայն» միջազգային մրցույթին։
Հուլիսին 5-ին «Բալթիկայի ձայն» միջազգային մրցույթում 11 տարիքային խմբի 14 մասնակիցներից զբաղեցրել է 2-րդ տեղը:
Ժյուրիի նախագահ Արման Ղուկասյանը Operativ.am-ի թղակցի հետ զրույցում ասաց, որ 14 մասնակիցների շրջանում, ովքեր միջազգային մրցույթներում արդեն փորձ ունեն, զբաղեցնել 2-րդ տեղը, արդեն հաղթանակ է:
«Բալթիկայի ձայն»-ում առաջին տեղը զբաղեցրել է Էստոնիայի մասնակիցը, իսկ երրորդ տեղում Ռուսաստանի մասնակիցն է:
Բուլղարիայում տեղի ունեցած մրցույթում Արման Սիմոնյանը նաև հրավեր է ստացել Ֆինլանդիայում մասնակցել միջազգային մրցույթի, իսկ Պրահայում՝ հրավեր է ստացել մասնակցել Մալթայում կայանալիք երգի մրցույթին:
«Շատ տպավորված եմ մրցույթից: Միջազգային մրցույթների մասնակցելու փորձ չունեի, և արդեն երկրորդ անգամ մասնակցեցի և շատ ուրախ եմ, որ այս ուժեղ մրցույթում մրցանակային տեղ զբաղեցրի»,-ասաց 11-ամյա երգիչը:
«Բալթիկայի ձայն» մրցույթում 15 երկրներից մասնակցել է 105 ներկայացուցիչ:
Արման Սիմոնյանն այժմ պատրաստվում է մասնակցել 3-րդ միջազգային մրցույթին, որը տեղի կունենա Բուլղարիայում:
Operativ.am-ի խմբագրությունը շնորհավորում է երգչին հաղթանակների առիթով և մաղթում հաջողություններ: