Քիմ Քարդաշյանը պատմել է, թե ինչպես է իրեն հաջողվել հարստանալ
Հայազգի հայտնի ֆոտոմոդել Քիմ Քարդաշյանը ֆինանսական Market Watch կայքին պատմել է, թե ինչպես է իրեն հաջողվել հարստանալ: Այս մասին գրում է Spletnik.ru-ն:
Market Watch-ը նշում է, որ հարստանալու համար Քիմ Քարդաշյանն անսպառ գաղափարներ ունի. նա սեփական հեռուստաշոու, հագուստի և կոսմետիկայի ապրանքանիշ ունի, գիրք է թողարկել, խաղ մշակել սմարթֆոնների համար:
«Գիտեք, նախկինում ես մտածում էի, որ երբ սկսեմ մեծ գումարներ աշխատել, կարող եմ նաև ավելի շատ ծախսել: Սակայն ամեն ինչ այլ կերպ ստացվեց. որքան ավելի շատ գումար հայտնվեց իմ բանկային հաշվի վրա, այնքան ավելի շատ ես ցանկացա դրանք պահպանել: Չէի մտածում, որ նման բան հնարավոր է»,-ասել է Քիմ Քարդաշյանը:
Զրույցի ընթացքում նա պատմել է, որ սկսել է գումար վաստակել դեռևս պատանեկության տարիներին: Մի անգամ նա գումար է խնդրել իր հայրիկից, որպեսզի գնի 5 զույգ կոշիկ Manolo Blahnik-ից՝ յուրաքանչյուրը 750 դոլար արժողությամբ: Իսկ հետո նա վաճառել է դրանք eBay-ում՝ յուրաքանչյուրը 500 դոլարով:
«Բախտս բերել է, որ ծնողներս սովորեցրել են ինձ խնամքով վարվել սեփական խնայողությունների հետ: Ցավոք, նման բաներ դպրոցում չեն սովորեցնում»,-նշել է նա:
Մեկնաբանելով հեռուստաաստղի ելույթը՝ Market Watch-ի տնօրեն Սթիվ Գոլդշթեյնը նշել է, որ Քարդաշյանը և նրա գործունեությունը հիանալի օրինակ են հանդիսանում ճիշտ ֆինանսական քաղաքականության համար: