Ես ամուսնացել եմ մի կնոջ հետ, ում կծելուց հետո կարիճը սատկեց. Հրանտ Թոխատյան

Ռուսական СТС հեռուստաալիքի՝ սիթքոմ ստեղծելու գաղափարը, որում գլխավոր թեման հայի և ռուսի ամուսնությունն է, առավել քան հաջողվել է: «Վերջինը Մագիկյաններից» ֆիլմում բազմազավակ հոր, տեխսպասարկման կայանի սեփականատեր Կարեն Մագիկյանի դերակատար հայտնի դերասան Հրանտ Թոխատյանի խաղին հետևում են ոչ միայն Ռուսաստանում, այլև Հայաստանում: «Экспресс газета»-ն հյուրընկալել է դերասանին Երևանում. 

- Հարցազրույցներից մեկում Դուք խոսել եք ազգային մտածելակերպի մասին, սակայն միևնույն ժամանակ Ձեր հերոսը՝ Կարենը, պնդում է դստերը. «Աստված չանի, եթե դու ամուսնանաս ռուսի հետ»: 

- Հայաստանում վաղուց այն հարցին, թե ում հետ կամուսնանա տղան, ժողովրդավարական մոտեցում են ցուցաբերում: Աղջիկների հարցում բարդ է. հայ ծնողների համար կարևոր է, որպեսզի աղջիկներն ամուսնանան իրենց հայրենակիցների հետ: Այստեղ կրոնական նրբերանգ կա. աղջիկը կարող է ամուսնանալ մեկի հետ, ով քրիստոնյա չէ: 

- Ձեր ընտանիքը տուժե՞լ է ցեղասպանությունից: 

- Տղայիս՝ Արամի 20-ամյակի օրը ես նրան հանձնեցի Կարսում մեր նախնիների տան բանալիները: Տուն չունենք, բայց ունենք բանալիներ: Կարսում ոչինչ չի փոխվել: Թուրքերն այնտեղ նոր տներ չեն կառուցում: Հասկանում են, որ ամեն հայ ծնվում է գենետիկական հիշողությամբ. սա իմ Հայրենիքն է, և ես մի օր կվերադառնամ այստեղ: Նախնիների տանը քրդեր են ապրում: Տանտերերը հյուրընկալ գտնվեցին. հյուրասիրեցին մրգերով, թեյով, սակայն տուն չթողեցին: Իհարկե, ես ցավ ապրեցի: Իմ պապը պատահական է ողջ մնացել: Նա իր եղբոր հետ Կարսից հեռացել է ավելի վաղ, քան սկսվել է մասսայական կոտորածը: Ավելի ուշ պապս վերադարձել է և տարել ընտանիքին: Հեռանալով, նա փակել է դուռն այն նույն բանալիներով, որոնք ես պահում եմ ողջ կյանքում:    

- Ինչո՞ւ Մոսկվա չեք տեղափոխվում: Չէ՞ որ Ռուսաստանում ավելի մեծ են հեռանկարները: 

- Ես կարող էի տեղափոխվել դեռևս սովետական ժամանակաշրջանում: Ես չեմ տեղափոխվում Մոսկվա, քանի որ ինձ համար այն ամենը, ինչ թանկ է, գտնվում է Երևանում: Այստեղ են իմ նախնիների գերեզմանը, հողը, որից սնվելով, ստեղծագործում եմ:   

- Գիտենք, որ ակտիվ մասնակցություն ունեք Լեռնային Ղարաբաղի զարգացման հարցում:

- Ես մեկն եմ այն մարդկանցից, ով դիմել է երկրի նախագահին և ստացել Ղարաբաղի քաղաքացիություն: Կարծում եմ, եթե մենք ազատագրել ենք հողերը, պետք է այն զարգացնենք: Ես մասնակցում եմ բարեգործական մարաթոնին, որը կազմակերպում է «Հայաստան» հիմնադրամ կենտրոնը Լոս Անջելեսում։ Սակայն վերջին տարիներին Ռուսաստանի հայկական սփյուռքն ավելի շատ գումար է տալիս, քան ամերիկյանը:  

-  Սերիալում Դուք քարոզում եք ընտանեկան արժեքներ, սակայն Դուք ունեք 3 երեխա տարբեր կանանցից: 

- Ես երջանիկ մարդ եմ: Այսօր իմ երեխաների միջև այնպիսի ընկերություն է, որ պարզ չէ՝ կընկերանային արդյոք, եթե մեծանային մի ընտանիքում: Իմ բոլոր ամուսնությունները տարօրինակ են: Նորմալ մարդկանց մոտ լինում է սիրահարվածության շրջան: Իմ դեպքում դա չի եղել: Երբ ես 27 տարեկան էի ընկերներս ասեցին. «Ինչո՞ւ ես դու ազատ: Մեզ մոտ մի աղջիկ է գալիս թատրոն, նստում է առաջին շարքում, ներկայացումից հետո քեզ մի ծաղիկ է նվիրում, իսկ հետո փախնում է: Ուրեմն, սիրում է: Արի քեզ ամուսնացնենք»: Եվ մենք գնացինք, խնդրեցինք այդ աղջկա ձեռքը: Աղջկա ծնողները բահերով հարձակվեցին մեր վրա, և մենք հազիվ փախանք: Եկանք ընկերոջս տուն, խմեցինք: Այդ ժամանակ վերադարձավ նրա կինը ընկերուհու հետո: Ընկերս հանկարծակի ասաց. «Նա քեզ նույնպես սիրում է: Իդելական կին: Ամուսնացիր»: Եվ այդ երեկո մենք գնացինք խնդրելու Արուսյակի ձեռքը, և այդ անգամ ինձ չմերժեցին:   

- Իսկ Իրինա Դանիելյանի հետ ինչպե՞ս ստացվեց:   

- Մենք մեկնում էինք ԱՄՆ հյուրախաղերի, և պարզվեց, որ ինքնաթիռը վայրէջք չի կատարում: Եվ այդ ժամանակ ինձանից 4 կարգ այն կողմ նստած Իրինան, ով այդ ժամանակ սովորում էր Թատերական ստուդիայում, ասաց. «Եթե Դուք, Հրանտ, այժմ առաջարկություն անեք, ինքնաթիռը վայրէջք կկատարի»: Ես վերցրեցի խոսափողը և խնդրեցի նրա ձեռքը: Մենք հաջող վայրէջք կատարեցինք: Եվ Սան Ֆրանցիսկոյում ես կատարեցի խոստումս: Ապրեցինք միասին 9 տարի, մի տղա ունենք:  

- Իսկ երրո՞րդ անգամ: 

- Ես ԱՄՆ-ում հյուրախաղերի էի, և հանկարծ հեռուստատեսությամբ տեսա, որ մեր դերասաններին խաբել են: Այդ ժամանակ ինձ զանգեց ընկերս և խնդրեց օգնել Լուիզա Ներսիսյանին: Ես նրան հրավիրում էի ճաշելու, հրավիրում էի ընթրիքի: Վերադարձանք Երևան: Մի անգամ, երբ վատ էի զգում, խնդրեցի ընկերոջս դեղ բերել: Լուիզան, ով այդ ժամանակ նրա կողքին էր, ասաց, որ ինքը կբերի: Եվ մնաց ինձ մոտ: Ես ամուսնացա նրա հետ այն պատճառով, որ նրան կծեց կարիճը և սատկեց: Ես մտածում էի. ինչպիսի վտանգավոր կին է: Ինձ գրավում է վտանգավոր լինելը:

- Հաջողվե՞լ է պահպանել նախկին կանանց հետ կապը: 

- Երբ ամուսնացավ իմ ավագ որդին, իմ 3 կանայք գնացին խնդրելու հարսի ձեռքը, քանի որ նրանցից յուրաքանչյուրն իր ներդրումն ուներ նրա դաստիարակության հարցում: Առաջին կինս ամուսնալուծությունից հետո ամուսնացավ, ևս մեկ որդի ունի: Ես նույնպես այժմ երազում եմ որդի ունենալու մասին: 60-ամյակիս նման նվեր կանեմ ինձ: