Թուրքիան ճանաչում է Վրաստարանի տարածքային ամբողջականությունը

Թուրքիան ճանաչում է Վրաստանի տարածքային ամբողջականությունը: Այս մասին Թբիլիսում Վրաստանի իր գործընկերոջ հետ համատեղ ասուլիսում հայտարարել է Թուրքիայի արտաքին գործերի նախարար Ահմեդ Դավութօղլուն' պատասխանելով թուրքական նավերի' դեպի Աբխազիա շարունակվող այցերի մասին հարցին, ինչին դեմ է արատհայտվում վրացական կողմը:

Դավութօղլուի խոսքով' Թուրքիան մշտապես է ընդգծում Վրաստանի տարածքային ամբողջականությունը: Բացի այդ հայտնի է, որ Թուրքիան ունի մեծ աբխազական համայնք և ցանկալի է, որ այդ հարցը լուծվի Վրաստանի տարածքային ամբողջականության ներքո: 

Դավիթօղլուի խոսքերով` Վրաստանը Կովկասում կարևորագույն երկրներից է և հուսով է, որ շուտով կկատարվեն պրոգրեսիվ քայլեր: 

Անդրադառնալով  նավերի խնդրին`  Թուրքիայի ԱԳ նախարարը հայտարարել է, որ այդ խնդիրը շուտով կստանա իր հանգուցալուծումը՝ գործող թուրք-վրացական հարաբերությունների շրջանակում:

Այնուամենայնիվ այս հայտարարությունը պետք է դիտարկել հռչակագրի սահմաններում,  քանի որ Թուրքիան բացի Աբխազիայից կապեր է ուզում հաստատել  Աջարիայի ինքնավար հանրապետության հետ: Թուրքիան Աջարիայում ներդրումներ է կատարել, որոնք բավական մեծ չափերի են հասնում: Մյուս հատկանշական փաստը հանդիսանում է այն, որ աջարական բնակչության մեծամասնությունը Թուրքիայի հետ կրոնական նույնականություն ունի, որն էլ Թուրքիայի կողմից «փափուկ» ուժի կիրառման լայն հնարավորություն է ստեղծում:

Իսկ թե ինչ անդրադարձ կունենա այսպիսի հարաբերությունները Հայաստանի վրա, պարզ կլինի հետագա բանակցային գործընթացների  արդյունքում: