Ալիևն Էրդողանին թեյ է հյուրասիրել իր ինքնաթիռում

Ադրբեջանի նախագահ Իլհամ Ալիևն ավարտել է իր այցը Թուրքիայի Կարս քաղաք: Այս մասին հայտնում է Haqqin.az-ը:

Փոխանցվում է, որ Կարսում տեղի է ունեցել TANAP խողովակաշարի հիմքի դրման արարողությունը:

Համաձայն տեղեկատվության` Ադրբեջանի նախագահ Իլհամ Ալիևին ճանապարհելու էր եկել նաև Թուրքիայի նախագահ Ռեջեփ Թայիփ Էրդողանը:

«Ալիևն Էրդողանին հրավիրել է իր ինքնաթիռ, որտեղ նրանք թեյ են ըմպել և զրույցել»,-հայտնել է աղբյուրը: