2014-ի ձեռքբերումը կրծքիս տակ եմ կրում. Լայանա

2014 թվականն իր տեղը զիջեց 2015 թվականին: Ոմանց համար 2014-ը հաջողակ, իսկ ոմանց համար պարզապես սովորական տարի էր: Operativ.am-ի թղթակիցն Ամանորի հետ կապված, երազանքների, մտադրություների ու նախասիրությունների մասին զրուցել է երգչուհի Լայանայի հետ:

-Ո՞րն է 2014-ի Ձեր ձեռքբերումը:
2014թ-ի ամենակարևոր ձեռքբերումը կրում եմ կրծքիս տակ:

-Ամանորյա Ձեր ամենասիրած նվերը:

Ամանորյա նվերները չեմ կարող առանձնացնել մյուսներից:

-Որտե՞ղ և ու՞մ հետ եք սիրում դիմավորել Ամանորը:
Գործի բերումով՝ արդեն մի քանի տարի է ընտանիքիս հետ Ամանորը դիմավորում եմ աշխատավայրում. շատ ուրախ է անցնում:

-Հայաստանում ինչպե՞ս կցանկանայիք նշվեր Ամանորը:
Կարծում եմ Հայաստանում  լավ էլ նշվում է Նոր տարին. շատ ակտիվ և շատ երկար՝ ի տարբերություն մյուս պետությունների:

-Հավատու՞մ եք Ձմեռ պապիկին:

Չեմ հավատում, և երբեք էլ չեմ հավատացել:

-Ի՞նչ եք ակնկալում 2015-ից:

2015-ին սպասում ենք բալիկիս լույս աշխարհ գալուն, մնացածն արդեն էական չէ:

-Ամանորյա Ձեր սիրած կերակուրը:
Խաղողի թփով տոլմա:

-Ի՞նչ չհասցրիք իրականացնել 2014-ին:

2014-ը բուռն էր ստեղծագործական առումով, գոհ եմ ամեն ինչից: Ինչ էլ որ չհասցրի, կիրականացնեմ  2015-ին:

-Ի՞նչ կմաղթեք հայ ժողովրդին:
Հայ ժողովրդին մաղթում եմ,  որ ամուր  և ուժեղ լինեն: Թո՛ղ մեր սահմաններում խաղաղ լինի, քանի որ 2014-ին շատ կորուստներ ունեցանք:

-Երազանք, որ դեռևս չի կատարվել:

Կարող եմ լիարժեք ասել, որ չունեմ չկատարված երազանք:

-Ո՞վ է Ձեր Ձմեռ պապիկը:

Չգիտեմ:

-Գույներ, որ Ձեզ Ամանոր են հիշեցնում:

Սպիտակ, կարմիր, կանաչ:

-Եթե Ձմեռ պապիկ լինեիք….

Ես Ձյունանուշիկ կլինեի:

-Յուրաքանչյուր Նոր տարի ի՞նչն է, որ մշտապես Ձեր սեղանին է:

Բոլորիս սեղաններին  էլ նույն կերակուրներն են:

Ո՞րն է Ձեր ամենասիրելի տոնը:

Մարտի 8-ից մինչև ապրիլի 7-ը:

***

Երգչուհի Արփինե Բեկջանյանի  հարցը՝ ուղղված երգչուհի Լայանային: (Արփինեն չգիտեր,թե  ում է ուղղում հարցը):

-Ի՞նչ բարի գործ եք կատարել և ի՞նչ հաճախականությամբ:

Լայանա. Կարծում եմ՝ մեծ բարի գործ է  անօթևան կենդանիներին, մասնավորապես՝ շներին կերակրելը: Մի քանի անգամ նաև եղել եմ մանկատներում և նվիրել այն ամենը,  ինչ ուժերիս սահմանում էր. հագուստ, խաղալիքներ:

Operativ.am-ը շնորհավորում է երգչուհուն և մաղթում հաջողություններ:

Կարինե Գևորգյան