Mister X-ը երազում է միջազգային ճանաչում ունենալ
2014 թվականն իր տեղը զիջեց 2015 թվականին: Ոմանց համար 2014-ը հաջողակ, իսկ ոմանց համար պարզապես սովորական տարի էր: Operativ.am-ի թղթակիցն Ամանորի հետ կապված երազանքների, մտադրություների ու նախասիրությունների մասին զրուցել է երգիչ Mister X-ի հետ:
-Ո՞րն է 2014-ի Ձեր ձեռքբերումը:
Եթե հարցը երաժշտական ասպարեզին է վերաբերում, ապա 2014-ին առաջին անգամ մենահամերգ ունեցա ԱՄՆ-ի արևելյան ափին՝ Բոսթոն քաղաքում: Եղան նաև այլ կարևոր ձեռքբերումներ. 2 տարի ընդմիջումից հետո մորս հանդիպելն ու իմ նշանադրությունը, որը տեղի ունեցավ 2014-ի դեկտեմբերի 14-ին:
-Ամանորյա Ձեր ամենասիրած նվերը:
Երբ փոքր էի, ամանորյա նվերը տարբեր էր թվում, քանի որ հավատում էի, որ Ձմեռ պապիկն է բերել: Ամենից թանկ նվերը գտնում էի բարձիս կամ տոնածառի տակ, իսկ դրանք բոլորն էլ սիրելի էին:
-Որտե՞ղ և ու՞մ հետ եք սիրում դիմավորել Ամանորը:
Ընտանիքիս հետ, դա ավանդույթ է դարձել:
-Հավատու՞մ եք Ձմեռ պապիկին:
Հավատում եմ նոր տարվա հրաշքին:
-Ինչպե՞ս եք նշում Ամանորը Լոս Անջելեսում, որո՞նք են տարբերությունները:
Լոս Անջելեսում ավելի շատ նշում են Սուրբ Ծննդյան տոնը՝ դեկտեմբերի 24-ի լույս 25-ի գիշերը, ինչը մեզ մոտ ընդունված է տոնել հունվարի 6-ին:
Միակ տարբերությունը ձյան բացակայությունն է և տաք եղանակը:
-Հայաստանում ինչպե՞ս կցանկանայիք նշվեր Ամանորը:
Այնպես, ինչպես միշտ է նշվում: Կուզենայի, որ Ամանորին խանութներում գներն իջնեին, ինչպես ընդունված է ամբողջ աշխարհում:
-Ի՞նչ եք ակնկալում 2015-ից:
2015-ին պետք է նոր տեսահոլովակ նկարեմ, մենահամերգով հանդես գամ Երևանում և ամուսնանամ:
-Ամանորյա Ձեր սիրած կերակուրը:
Ամանորյա բոլոր ուտեստներն էլ սիրում եմ:
-Ի՞նչ չհասցրիք իրականացնել 2014-ին:
Զբաղված լինելով անձնական հարցերով ՝ ուշացրեցի նոր տեսահոլովակիս նկարահանումները: Փոխարենը՝ 2015-ին 2 տեսահոլովակ միանգամից կնկարեմ:
-Ի՞նչ կմաղթեք հայ ժողովրդին:
Նախ, մաղթում եմ խաղաղություն: Թող այս տարին Հայաստանի համար ձեռքբերումների, նորանոր հաղթանակների տարի լինի: Ցանկանում եմ, որ այս տարի հայրենիքը լքած բոլոր մարդիկ սիրով տուն վերադառնան:
-Երազանք, որ դեռևս չի կատարվել:
Միջազգային ճանաչում ունենալը:
-Ո՞վ է ձեր Ձմեռ պապիկը:
Աստված:
-Գույներ, որ Ձեզ Ամանոր են հիշեցնում:
Սպիտակն է, որ ինձ Ամանոր է հիշեցնում:
-Եթե Ձմեռ պապիկ լինեիք….
Կշրջեի ամբողջ Հայաստանով և իմ անսպառ նվերներից նախ բաժին կհանեի նյութապես անապահով ընտանիքներին, հետո ՝բոլորին:
-Յուրաքանչյուր Նոր տարի ի՞նչն է, որ մշտապես Ձեր սեղանին է:
Հայկական ավանդական կերակուրները:
-Ո՞րն է Ձեր ամենասիրելի տոնը:
Ամանորը:
***
Կրկեսի օրիգինալ ժանրի դերասանուհի Բագիրայի հարցը՝ ուղղված Mister X-ին.( Բագիրան չգիտեր, թե ում է ուղղում հարցը)
Ինչպե՞ս կմաքրեք Ձեր հոգին, եթե մեղավոր լինեք:
Mister X. Աղոթքով:
Operativ.am-ը շնորհավորում է երգչին և մաղթում հաջողություններ:
Կարինե Գևորգյան