Ինչքան շատ մոտ լինենք հայկականությանը, այնքան լավ. Անի Քրիստի
2014 թվականն իր տեղը զիջեց 2015 թվականին: Ոմանց համար 2014-ը հաջողակ, իսկ ոմանց համար պարզապես սովորական տարի էր: Operativ.am-ի թղթակիցն Ամանորի հետ կապված, երազանքների, մտադրություների ու նախասիրությունների մասին զրուցել է երգչուհի Անի Քրիստիի հետ:
-Ո՞րն է 2014-ի Ձեր ձեռքբերումը:
Առաջին մենահամեգս ԱՄՆ-ում, նոր տեսահոլովակներ և ծանոթություներ ինձ համար արդեն թանկ մարդկանց հետ:
-Ամանորին Ձեր ամենասիրելի նվերը, որ կցանկանաք ստանալ:
Կապ չունի ինչպիսին է այն, կարևորը, որ լինի ժամանակին և սրտանց:
-Որտե՞ղ և ու՞մ հետ եք սիրում դիմավորել Ամանորը:
Տանը, հարազատ միջավայրում:
-Հայաստանում ինչպե՞ս կցանկանայիք նշվեր Ամանորը:
Ով ինչպես ցանկանում է, այնպես էլ թող նշի: Ամեն մարդ ինքն ավելի լավ գիտի, թե ինչպես է հարկավոր նշել այն: Ես չեմ ցանկանա, որ մարդիկ չարչարվեն այդ օրը: Թող ուրախ լինեն և վայելեն այդ օրն առանց ձևական սեղանների, որոնք երբեմն, ցավոք, պարտքով են լինում:
-Հավատու՞մ եք Ձմեռ պապիկին:
Այո, հավատում եմ, և այս տարի ևս նա հյուր կգա:
-Ի՞նչ եք ակնկալում 2015-ից:
Դրական էմոցիաներ, պրոյեկտներ և անակնալներ:
-Ամանորյա Ձեր սիրած կերակուրը:
Ավանդական տոլման:
-Ի՞նչ չհասցրիք իրականացնել 2014-ին:
Փառք Աստծո, ամեն ինչ հասցրել եմ, մնացածը՝ 2015-ին:
-Երազանք, որ դեռևս չի կատարվել:
Նպատակներ ունեմ, սակայն ամեն բան իր ժամանակին լինում է, շնորհակալ եմ: Մնացածը ժամանակի խնդիր է:
-Ո՞վ է ձեր Ձմեռ պապիկը:
Ես ինքս:
-Գույներ, որ Ձեզ Ամանոր են հիշեցնում:
Կանաչ, կարմիր, ոսկեգույն, սպիտակ:
-Եթե Ձմեռ պապիկ լինեիք, ապա...
Ամեն մեկին կնվիրեի իր սրտում թաքուն պահած երազանքը:
-Յուրաքանչյուր Նոր տարի ի՞նչն է, որ մշտապես Ձեր սեղանին դրվում է:
Տոնական մոմեր:
-Ո՞րն է Ձեր ամենասիրելի տոնը:
Բոլոր տոներն էլ սիրում եմ, ներառյալ իմ ծննդյան տոնը:
-Ինչպե՞ս եք նշում Ամանորը Լոս Անջելեսում, որո՞նք են տարբերությունները:
Ես նշում եմ այնպես, ինչպես Երևանում էի նշում. տանը՝ հարազատ մարդկանցով շրջապատված: Ամեն ինչ անում եմ, որ այստեղ ապրելով ձուլվելու հարց չլինի: Ինչքան շատ մոտ լինենք հայկականությանը, այնքան լավ:
-Ի՞նչ կմաղթեք հայ ժողովրդին:
Մեր օրերում միայն համբերություն: Մնացախ ամեն ինչ շատ լավ կլինի:
***
Լևոն Մութաֆյանի հարցն ուղղված Անի Քրիստիին (թաթերագետը չգիտեր, թե հարցն ում է հղում)
Դեկտեմբերի 31-ի գիշերվա ժամը 12-ին ի՞նչ դուրս կնետեիք Ձեր բնակարանից:
Անի Քրիստի-Ոչինչ, քանի որ տարին դիմավորել եմ արդեն բնակարանս մաքրած, և պիտանի իրերը տանը պահած:
Operativ.am-ը շնորհավորում է երգչուհուն և մաղթում նոր հաջողություններ:
Կարինե Գևորգյան