Դերասան Արմեն Դալլաքյանի համար Ձմեռ պապիկը հրաշքների էտալոն չէ
2014 թվականն իր տեղը զիջեց 2015 թվականին: Ոմանց համար 2014-ը հաջողակ, իսկ ոմանց համար պարզապես սովորական տարի էր: Operativ.am-ը Ամանորի հետ կապված, երազանքների, մտադրություների ու նախասիրությունների մասին զրուցել է դերասան, երգիչ Արմեն Դալլաքյանի հետ:
-Ո՞րն է 2014-ի Ձեր ձեռքբերումը:
Ստացել եմ շատ մրցանակներ, կազմակերպել շատ միջոցառումներ, վարել բազմաթիվ համերգային ծրագրեր, նկարահանել եմ ֆիլմ, որի ռեժիսորը ես եմ. պրեմիերան կլինի 2015-ին:Այս տարվա գլխավոր մրցանակս է՝ «Տարվա լավագույն դերասան»:
-Ամանորյա Ձեր ամենասիրած նվերը:
Կինդեր Սյուրպրիզը: Կարևոր չէ՝ ինչ նվեր է, կարևորը սրտանց նվիրեն:
-Որտե՞ղ և ու՞մ հետ եք սիրում դիմավորել Ամանորը:
Վայրը կապ չունի, միայն թե ընտանիքիս կողքին լինեմ:
-Հայաստանում ինչպե՞ս կցանկանայիք նշվեր Ամանորը:
Կցանկանայի, որ բոլոր հայերն ուրախ լինեն, երջանիկ, և բոլոր այն դռները, որ մինչ այս փակ են եղել, բացվեն: Ում լուսամուտից լույս չի վառվում՝վառվի:
-Հավատու՞մ եք Ձմեռ պապիկին:
Ես միշտ հավատացել և հավատում եմ ամանորյա հրաշքին: Ձմեռ պապիկն ինձ համար երբեք հրաշքի էտալոն չի եղել: Ամանորյա հեքիաթն ինձ համար այլ հերոսներ ու սահմանում ունի:
-Ի՞նչ եք ակնկալում 2015-ից:
Ակնկալիքներս շատ են, 2015-ին կընդլայնեմ կինոստուդիայիս սահմանները: Տեղի կունենա ֆիլմիս պրեմիերան, ինչպես նաև առաջարկ եմ ստացել նկարահանել ռուսական սերիալ:
-Ամանորին Ձեր սիրելի կերակուրը:
-Գրեթե բոլորը:
-Ի՞նչ չհասցրեցիք իրականացնել 2014-ին:
Այդ մասին չեմ բարձրաձայնի, միայն կարող եմ վստահեցնել, որ 2015-ին դրանք կիրականացնեմ:
-Երազանք, որ դեռևս չի կատարվել:
Երազանքներ չունեմ, ունեմ հստակ նպատակներ, որոնք հետզհետե իրականացնում եմ:
-Ո՞վ է Ձեր Ձմեռ պապիկը:
Գաղտնիք է:
-Գույներ, որ Ձեզ Ամանոր են հիշեցնում:
Կարմիր, սպիտակ:
-Եթե Ձմեռ պապիկ լինեք, ապա
Կուրախացնեի բոլոր երեխաներին, հատկապես այն երեխաներին, ովքեր մեծ սիրո կարիք ունեն:
-Յուրաքանչյուր Նոր տարի ի՞նչն է, որ մշտապես Ձեր սեղանին է:
Ավանդական խոզի բուդը:
-Ո՞րն է Ձեր ամենասիրելի տոնը:
Ամանորը:
-Ի՞նչ կմաղթեք հայ ժողովրդին:
Ամանորը թերևս այն եզակի տոներից է, որ մարդկանց սրտերը լցնում է բարությամբ, ջերմությամբ: Մաղթում եմ , որ Նոր տարուն մարդկանց սրտերում իշխի բարությունը, սերն ու հավատարմությունը: Եկե՛ք 2015-ին սիրենք և սիրվենք:
***
Անի Քրիստիի հարցն Արմեն Դալլաքյանին. (երգչուհին չգիտեր ում է հղում հարցը)
Եթե հայ չլինեիք, ի՞նչ ազգության կցանկանայիք պատկանել:
Արմեն Դալլաքյան- Իսպանացի կամ ֆրանսիացի
Operativ.am-ը շնորհավորում է դերասանի Ամանորն ու մաղթում հաջողություններ:
Կարինե Գևորգյան