Եթե լինեի Ձմեռ պապ, ապա բոլոր երեխաների համար լավ ապագա կբերեի. Զառա Սահակյանն իր ձեռքբերումների և ամանորյա երազանքի մասին
2014 թվականն իր տեղը զիջեց 2015 թվականին: Ոմանց համար 2014-ը հաջողակ, իսկ ոմանց համար պարզապես սովորական տարի էր: Operativ.am-ը Ամանորի հետ կապված, երազանքների, մտադրություների ու նախասիրությունների մասին զրուցել է Զառա Սահակյանի հետ:
-Ո՞րն է 2014-ի Ձեր ձեռքբերումը:
-Ընդհանուր առմամբ լավ տարի է եղել ինձ համար, քանի որ տարբեր նախագծերում եմ նկարահանվել: Ձեռքբերումս բալիկիս հետ երկար ժամանակ անցկացնելու հնարավորութունն է եղել:
-Ամանորյա Ձեր ամենասիրելի նվերը:
-Ձմեռ պապիկի գալը: Նվեր ասվածն ինձ համար այս դեպքում սիմվոլիկ է: Ինձ համար հեքիաթային տրամադրությունն է կարևոր:
-Որտե՞ղ և ու՞մ հետ եք սիրում դիմավորել Ամանորը:
-Ընտանիքիս հետ եմ սիրում դիմավորել, սակայն, միշտ չէ, որ կարողանում են այդպես տոնել, քանի որ ես և ամուսինս աշխատանքի ենք լինում, շնչակտուր հազիվ հասցնում ենք միանալ ընտանքին:
-Հայաստանում ինչպե՞ս կցանկանայիք նշվեր Ամանորը:
-Կցանկանայի գլամուրից դուրս գայինք, ավելի շատ նորաձև տոնածառների փոխարեն նորաձև գաղափարներ մտնեին, կուզեանայի ոչ թե առանձին ընտանիքներ ուրախանային, այլ մի ամբողջ ազգ: Ներքին հոգու գեղեցկությունը գերադասում եմ սեղաններին կոկորդիլոսով զարդարանքից: Մեզ մոտ տոնը հոգսի է վերածվում, կանայք մեղք են, տղամարդիկ էլ պարտքերի մեջ են ընկնում:
-Հավատու՞մ եք Ձմեռ պապիկին:
-Այո, 5 տարեկանից հավատում եմ, հրաշքների եմ հավատում:
-Ի՞նչ եք ակնկալում 2015-ից:
-Նախ ցանկանում եմ խաղաղ տարի լինի: Հատկապես վերջերս ճգնաժամային վիճակ է ամբողջ աշխարհում: Խիստ անձնական ակնկալիքներ ունեմ, որոնք ինձանից կախված են նաև:
-Ամանորյա Ձեր սիրած կերակուրը
-Կանաչեղեն եմ շատ սիրում, ձկնեղեն:
-Ի՞նչ չհասցրիք իրականացնել 2014-ին:
Ավելի շատ աշխատանքաին հարցեր մնացին կիսատ: Այս տարի կենտրոնացել եմ ընտանիքիս վրա, բայց հուսամ, որ 2015 -ին կիրականցնեմ նրանց հույսերը, ովքեր դա կապում են ինձ հետ:
-Երազանք, որ դեռևս չի կատարվել:
-Կոնկրետ երազանքներ չունեմ դրանք, ինձ մոտ հոգեվիճակներ են:
-Ո՞վ է ձեր Ձմեռ պապիկը:
-Կիսով չափ Աստված, կիսով չամ իմ երազած բարի պապիկի կերպարը, մի քիչ էլ երեխայիս երևակայության արդյունքը:
-Գույներ, որ Ձեզ ամանոր են հիշեցնում
-Կարմիր, կանաչ, երկնագույն:
-Եթե Ձմեռ պապիկ լինեի, ապա...
-Բոլոր երեխաների համար լավ ապագա կբերեի, որ ապահով երկրում ապրեին:
-Յուրաքանչյուր Նոր տարի ի՞նչն է, որ մշտապես Ձեր սեղանին է:
-Տոլմա, բլինչիկ և իմ բաղադրատոմսով աղցանը:
-Ո՞րն է Ձեր ամենասիրելի տոնը:
-Նոր տարին:
-Ի՞նչ կմաղթեք հայ ժողովրդին:
Առողջություն գիտակցություն, հույս, հոգսերը տող պակասեն: Եթե անգամ Աստված մեր կողքով քայլի, մենք այնքան հոգսաշատ ենք, որ չենք էլ նկատի:
****
Դերասան Արմեն Դալլաքյանի հարցը Զառա Սահակյանին.
Ձեր ամենահիշարժան օրը:
Զառա Սահակյան-Երեխայիս դժվար, բայց շատ սպաված ծնունդը:
Operativ.am-ը շնորհավորում է դերսանուհու Ամանորն ու մաղթում հաջողություններ:
Կարինե Գևորգյան