Արսեն Մելիքսեթյանը՝ Յոժը, իր ամենահիշվող նվերի, երազանքների և Ամանորի հետ կապված հիշողությունների մասին

2014 թվականն իր տեղը զիջեց 2015 թվականին: Ոմանց համար 2014-ը հաջողակ, ոմանց համար պարզապես սովորական տարի էր: Ամանորի հետ կապված իր հիշողություններով ու դրական լիցքերով Operativ.am-ի թղթակցի հետ կիսվեց «Հայ թիմի» Արսեն Մելիքսեթյանը (Յոժը):

-Որտե՞ղ և ո՞ւմ հետ եք դիմավորելու Ամանորն ու Սուրբ Ծնունդը:

Այս տարի Ամանորը դիմավորելու եմ Երևանում՝ ընտանիքիս և ընկերներիս հետ: Սովորաբար ամեն տարի աշխատում եմ վերադառնալ Հայաստան և այս տոնը նշել հարազատ օջախում: Շատերը նույնպես տարբեր երկրներից ժամանում են և միասին ենք նշում:

-Ի՞նչ հիշողություններ ունեք Ամանորի հետ կապված:

Ինձ թվում է Ամանորի հետ կապված բոլորն էլ ունեն գեղեցիկ հիշողություններ: Ուղղակի փոքր տարիքում ավելի ուրիշ ձև էր անցնում:

-Ի՞նչ խորհուրդ ունի Ամանորը Ձեզ համար:

Նոր տարի, նոր մուտք, նոր տարվա մեկնարկ ու ամենակարևորը՝ 00:01-ին երազանք պահել: Սիրում եմ այդ պահը, քանի որ միշտ պահածս երազանքն իրականանում է:

-Ամենհիշվող և օրիգինալ նվերը, որ ստացել եք

3-րդ դասարանում շարիկով ատրճանակ էի ստացել, բայց հասցրեցի խաղալ միայն 2 ժամ, քանի որ բակի բոլոր ճնճղուկները վերացան:

-Ձմեռ պապիկին հավատացե՞լ եք

Հավատացել եմ մինչև 2-րդ դասարան:

-Հայաստանո՞ւմ է ավելի հոգեհարազատ նշել Ամանորը, թե՞ Ուկրաինայում:

Միանշանակ Հայաստանում:

-Ե՞րբ եք պլանավորում վերադառնալ Հայաստան:

Անկեղծ ասած չգիտեմ, երբ Աստված կամենա:

- Ներկա պահին, ինչ ով եք զբաղվում Ուկրաինայում

Զբաղվում եմ բիզնեսով: Վերջին տարիներին բացվեց “47 Design Studio”-ն, որի արտադրանքի վաճառքը սկսվեց եվրոպական, ռուսական, ուկրաինական շուկաններում և արդեն մեկ ամիս է ինչ գործում է Երևանում: Մեր դիզայն ստուդիոն մասնագիտացված է փայտյա գեղեցիկ և օրիգինալ աքսեսուարների պատրաստման գործում: Աքսեսուարների արտադրության մեջ օգտագործում ենք միայն էկոլոգիապես մաքուր մրգատու ծառի վերամշակված փայտ և փորձում ենք ստանալ իրենց տեսակի մեջ յուրահատուկ աքսեսուարներ: Ներկայումս ունենք 3 տեսակի արտադրանք՝ «Հաջողության» աքսեսուար, որը ամբողջությամբ նորարարություն է մեր իրականության մեջ, այնուհետև ստեղծվեց «Հորոսկոպի» նշաններով աքսեսուարները, իսկ այժմ էլ աշխատում ենք ավելի հոգևոր մի արտադրանքի վրա:

-Ձեր մաղթանքները Հայ ժողովրդին

Շատ եմ ուզում, որ պատերազմ չլինի: Ցանկանում եմ, որ հայ ժողովուրդը շատ լավ ապրի և առանց պարտքի:

Մարիա Կոշեցյան