Չնայած սոցիալական վատ պայմաններին՝ հայերի «գլամուռ մասսան» շարունակում է Ամանորը տոնել շքեղ ռեստորաններում

Շուտով մարդիկ կտոնեն Ամանորը: Հասարակության  մի մասը սիրով է սպասում այդ օրվան, մյուս մասն էլ շատ անգամ ամոթին զոհ գնալով՝ վերջին խնայողությունն է վատնում այդ օրվա համար: Տարիների փորձը,  սակայն ցույց է տվել, որ որքան էլ ծանր  են Հայաստանում սոցիալական պայմանները, միևնույնն է, կա  մի զանգված, որն անկախ ֆինանսական հնարավորությունից, տարեմուտը դիմավորում է ռեստորանում կամ ժամանցի այլ վայրերում:

Ավելի վաղ հայտնել էինք, մեր կողմից արված  ուսումնասիրության այն արդյունքները, թե որ   երկրներում են  պատրաստվում 2015-ը դիմավորել հայերը:

Այսօր ուսումնասիրեցինք նաև, թե այս պահի դրությամբ  ինչ  պատկեր է  տիրում ռեստորաններում:

Operativ.am- ի թղթակցի  կատարած ուսումնասիրության  համաձայն, 2015-ը ռեստորաններում դիմավորելու համար նախապես հերթագրվածների թիվը  միջինը կազմում է 150 մարդ, իսկ մեկ մարդու համար ամանորյա փաթեթը կազմում է 20-40 հազար դրամ:

Այս ամենից կարելի է նթադրել, որ չնայած սոցիալական վատ պայմաններին՝ հայերի «գլամուռ մասսան» շարունակում է Ամանորը տոնել շքեղ ռեստորաններում: 

Կարինե Գևորգյան