Իշխանության շանսերը ԿԸՀ-ից հարցրեք. Կարեն Քոչարյանը ավագանու ընտրությունների մասին

Operativ.am-ի թղթակցի հետ զրույցում քաղտեխնոլոգ Կարեն Քոչարյանը հավանական համարեց, որ Երևանի ավագանու ընտրություններին «Ժառանգությունը» և «ՀՅԴ»-ն հանդես գան միասնական ցուցակով.

-Ճիշտ է դեռ վերջնական չեն այդ քննարկումները, սակայն իրենք այդ մասին նշել են մի քանի անգամ:

Այդ դեպքում իրենց շանսերն ինչպիսի՞ն կլինեն:

-Դա արդեն կախված է այն հանգամաքից, թե ինչպես կտանեն պայքարը, կախված է նաև նրանից, թե ինչի կվերածվի այս  միտինգային ընթացքը, ամեն դեպքում ընտրությունները անկանխատեսելի են: Ոչ մեկ, այդ թվում նաև ես՝ չէինք պատկերացնի չէ՞, որ Րաֆֆի Հովհաննիսյանը 37% ձայն կստանար. դա արդեն կախված կլինի հետագա պայքարից:

Ի՞նչ կասեք ԲՀԿ-ի մասին, ԲՀԿ-ի առաջնորդը նշում է՝ իրենց նպատակը հաղթանակն է:

-Յուրաքանչյուր նորմալ քաղաքական ուժ եթե մտնում է պայքարի, մտնում է հաղթելու համար, ցանկացածի համար էլ նպատակը հաղթանակն է:

ԲՀԿ-ն չմասնակցելով նախագահական ընտրություններին մի մեծ ընտրազանգված «նվիրեց» «Ժառանգությանը»:

-Թող մասնակցեր՝ չնվիրեր, հիմա ու՞մ վրա է մուննաթ գալիս:

Երբ մասնակցում են նման մեծ ընտրազանգված ունեցող քաղաքական ուժեր, պայքարն ավելի չի՞ լարվի:

-Իհարկե, պայքարն անխոս կլարվի, իսկ թե  ինչ կլինի,  ցույց կտան արդյունքերը:

Այդ դեպքում իշխանության շանսերը կնվազե՞ն:

-Իշխանության շանսերը ԿԸՀ-ից հարցրեք:

Զրուցեց Սեդա Ղուկասյանը