Ինչպե՞ս խնամել աչքերը ցուրտ եղանակին՝ հնարավոր բարդություններից խուսափելու համար
Աչքերի ճիշտ խնամքի դեպքում հնարավոր է ոչ միայն բարելավել աչքերի արտաքին տեսքը, այլև տեսողությունը: Տեսողությունը պատկերների միջոցով ընկալելու ունակությունն է։ Արտաքին աշխարհի մասին տեղեկատվության մեծ մասը (մոտավորապես 70-90%-ը) ընկալվում է տեսողության միջոցով։ Տեսողությունը պայմանվորված է հետևյալ ֆունկցիաներով՝ լուսազգացողություն, առարկայի ձևի և մեծության որոշում, առարկայի հեռավորության որոշում, շարժման ընկալում, գունային տեսողություն և բինոկուլյար տեսողություն։ Տեսողական վերլուծիչի ծայրամասային օրգանը աչքն է։
Չպետք է մոռանալ, որ աչքերի խնամքը կարևոր է տարվա ցանկացած եղանակին: Հատկապես ձմռանն աչքերին հարկավոր է հատուկ խնամք, և դա կապված է եղանակի փոփոխության, սառը քամիների և մթնոլորտային ճնշման մեծ տատանումներից:
Որոշ մարդկանց մոտ ուժեղ քամու և ցրտի ժամանակ աչքերը արցունք են լցվում, ինչի հետևանքով աչքերը կարող են կարմրել: Այդ ժամանակ խորհուրդ է տրվում տնից դուրս գալիս կոպերին և աչքի նեքևի հատվածում քսել բնական յուղ:
Operativ.am-ի թղթակիցը զրուցեց ակնաբույժ Արմինե Հարությունյանի հետ, ով խոսեց աչքերի խնամքի մասին. «Քանի որ ձմռանն աչքերը տուժում են ուլտրամանուշակագույն ճառագայթից ավելի շատ, քան ամռանը, ապա խորհուրդ կտամ օգտագործել ապակյա ակնոցներ, քանի որ դրանք ուլտամանուշակագույն ճառագայթները չենք թողնում անցնել: Կարող եք նաև օգտագործել արհեստական արցունքների կաթիլներ»:
Մարիա Կոշեցյան