Հացադուլը քաղաքական պայքարի ծայրահեղ միջոց է. Ռուբեն Հակոբյան

Operativ.am-ի թղթակիցը Ազատության հրապարակում զրուցեց «Ժառանգություն» խմբակցության ղեկավար Ռուբեն Հակոբյանի հետ.

-Պրն. Հակոբյան, հացադուլը ճի՞շտ քայլ էր:

-Երբ ծայրահեղ քայլի են գնում, ճիշտ կամ սխալ քայլերի  մասին խոսել պետք չէ, հացադուլը քաղաքական պայքարի ծայրահեղ միջոց է, որն օրենքի և Սահմանադրության շրջանակներում է: Սակայն իմ տեսածի հիման վրա կարող եմ ասել, որ իշխանությունն արդեն գնում էր սրացման՝ լարվածություն ստեղծելու նպատակով, ինչը տեղի ունեցավ Գեղարքունիքում և շատ հավանական էր, որ արյուն թափվեր: Րաֆֆին բազմաթիվ անգամներ նշել է, որ արյուն չի թափվելու:

-Իսկ երեկվա իր հայտարարության մասին ի՞նչ կասեք, որ իր կյանքի գնով դառնալու է նախագահ:

-Այդ հարցին կպատասխանի Րաֆֆի Հովհաննիսյանը: Բոլոր ճանապարհները փակ են իշխանության հասնելու համար, իսկ քանի որ փակ են, Րաֆֆին ընտրեց այս ճանապարհը:

-Ձեր կարծիքով՝ իշխանությունները որևէ կերպ կարձագանքե՞ն հացադուլին:

-Իշխանություններին հարցրեք:

-Նկատի ունեմ ունե՞ք որևէ ակնկալիքներ, որ իշխանությունները որևէ կերպ արձագանքեն հացադուլին:

-Ինձ թվում է՝ իրենք լավ չեն պատկերացնում իրավիճակը, իրենց արձագանքները ցույց են տալիս, որ համարժեք չեն գնահատում իրավիճակը: 

Զրուցեց Սեդա Ղուկասյանը