Գալուստ Սահակյանի պատճառով ԱԺ բուֆետը վնասով է աշխատում

«Հրապարակ» թերթը գրում է. «Ազգային ժողովի բուֆետը կրկին նոր տեր ունի' «Ազգային սնունդ» ՍՊԸ-ն: Պատճառը, հավանաբար, էլի վատ եկամուտն է: Տևական ժամանակ է, ինչ այնտեղ չի սնվում ԱԺ պատգամավորների մեծ մասը, հատկապես օլիգարխները, որոնց և՛ ախորժակն է մեծ, և՛ գրպանի պարունակությունը:

Բուֆետը մնացել է լրագրողների և աշխատակազմի հույսին, որոնք այնքան գնողունակ չեն, որ եկամուտ ապահովեն բուֆետն սպասարկող ընկերության ու տերերի համար: Այս հանգամանքից մշտապես դժգոհել են վերջին մեկ-երկու տարվա ընթացքում բուֆետի հաճախակի փոխվող տերերը: Պատգամավորներից հիմնականում ՀՀԿ-ականներն են այցելում, այն էլ ոչ բոլորը, իսկ ԲՀԿ-ական պատգամավորներից գրեթե ոչ մեկը տևական ժամանակ է' չի սնվում բուֆետում: Նույնիսկ նրանց օգնականներն են սկսել չհաճախել: Այստեղ ուշագրավ է մեկ այլ հանգամանք:

Պարզվում է' ԱԺ նախագահի թիկնապահներն ԱԺ բուֆետում անվճար են սպասարկվում: Եվ սա նոր չէ, միշտ այդպես է եղել, ինչպես բուֆետի աշխատողներն են ասում' «ավանդույթ է»: ԱԺ նախագահների հրահանգով նրանք բուֆետում օրը մի քանի անգամ ինչքան ուզենան, անվճար սնունդ են ընդունում: Հավանաբար, որպես ծանր աշխատանքի փոխհատուցում»:

Առավել մանրամասն՝ «Հրապարակ» թերթի այսօրվա համարում: