Շանթ Հարությունյանի և ընկերների հարցի քննարկումը՝ Էլինար Վարդանյանի գլխավորությամբ

ԱԺ հոկտեմբերի 20-ի նիստին քննարկման էր ներկայացվել մարդու իրավունքների պաշտպանի հաշվետվության քննարկումը ԱԺ Մարդու իրավունքների պաշտպանության և հանրային հարցերի մշտական հանձնաժողովի կողմից:

Հանձնաժողովի նախագահ, «ԲՀԿ» խմբակցության անդամ, ԱԺ պատգամավոր Էլինար Վարդանյանը ներկայացրեց ընդհանուր դիտարկումները: Այնուհետև, Էլինար Վարդանյանին հարցեր տալու համար հերթագրվեցին պատգամավորները:

«ՀԱԿ» խմբակցության անդամ, ԱԺ պատգամավոր Արամ Մանուկյանի հարցը վերաբերում էր այն հանգամանքին, որ Շանթ Հարությունյանի ընկերների հարցն արդյո՞ք քննարկման կդրվի հանձնաժողովում, թե՞ ոչ: Էլինար Վարդանյանը հավաստիացրեց, որ քննարկում կլինի այդ կապակցությամբ: Այնուհետև Նիկոլ Փաշինյանն անդրադարձ կատարեց այն հարցին, թե ինչու հատուկ չի սահմանվում քաղբանտարկյալների մասին օրենք: Ի պատասխան այս հարցին, Էլինար Վարդանյանն ասաց, որ ցանկացած դատական գործի համար գոյություն ունի քրեական օրենսգիրքը, որի սահմաններում էլ իրականացվում են դատական գործերը:

Անդրադարձ կատարելով Շանթ Հարությունյանին և ընկերներին, նա հավելեց, որ իրավաբանական տեսանկյունից դրանք բարդ գործընթացներ են, որոնք ենթակա են մանրամասն ուսումնասիրության: Այնուհետև ելույթ ունեցավ Զարուհի Փոստանջյանը, ով առաջարկեց քննարկման դնել այն հարցը, որ լյուստրացիայի մասին օրենքին ենթարկվեն մի շարք պատգամավորներ: Այնուհետև նա անդրադարձ կատարեց Վոլոդյա Ավետիսյանին, ասաց, որ նրա ընտանիքը գտնվում է սոցիալապես ծանր պայմաններում և արդյո՞ք օպտիմալ չի լինի բացել հաշվեհամար՝ ընտանիքին օգնելու համար: Ի պատասխան այս հարցերին` Էլինար Վարդանյանն ասաց, որ լյուստրացիայի մասին օրենքը հակասում  մարդու իրավունքների վերաբերյալ օրենքի մի շարք կետերի, որոնց շրջանակներում այն պարզապես իրականացնելը փոքր-ինչ բարդ է, քանի որ, եթե նույնիսկ փորձեն իրականացնեն, ապա լյուստրացիայի մասին օրենքին կենթարկվեն բոլոր դատավորները:

Հարցի շրջանակներում միջամտեց նաև ԱԺ փոխխոսնակ Հերմինե Նաղդալյանը՝ փորձելով իր աջակցությունը ցուցաբերել ի պաշտպանություն դատավորների, որոնց շրջանակներում նա ասաց, որ դատավորները ևս մարդ են և ունեն պաշտպանված իրավունքներ: