ԵՄ-ի կողմից պատժամիջոցների հնարավոր չեղյալ հայտարարումը կդրդի ՌԴ-ին ևս չեղյալ հայտարարել պատասխան քայլերը
РИА Новости գործակալության փոխանցմամբ՝ ՌԴ ԱԳՆ փոխնախարար Ալեքսեյ Մեշկովը հանդես է եկել հայտարարությամբ, որի համաձայն՝ Ռուսաստանի Դաշնության ֆինանսական սեկտորի նկատմամբ Եվրոպական Միության կողմից սահմանված պատժամիջոցների հնարավոր չեղյալ հայտարարումը դրդում է Մոսկվային չեղյալ հայտարարել նաև պատասխան քայլերը: Գրում է Russian.rt.com-ը:
«Ռուսաստանը բավական ճկուն է վերաբերվում այդ հարցերին և գործում է սկզբունքորեն խելամիտ կերպով: Հենց այդ տեսակետից կմոտենանք նաև սեպտեմբերի 30-ին Բրյուսելում «չկայացած» դրական որոշմանը», - ընդգծել է Մեշկովը:
«Երբ այդ քայլերը մեր կողմից իրականացվում էին, մենք միանգամից հայտարարեցինք, որ եթե մեր ֆինանսական սեկտորի նկատմամբ պատժամիջոցները չեղյալ հայտարարվեն, ապա այդ դեպքում կանհետանա մեր պատասխան քայլերը շարունակելու դրդապատճառը», - փոխնախարարը հայտարարել է РИА Новости գործակալությանը տված հարցազրույցի ընթացքում: