Կարեն Դեմիրճյանի անվան մարզահամերգային համալիր» ՓԲԸ-ն պահանջում է անհիմն ճանաչել համալիրի առք ու վաճառքը. Կորյուր Գրիգորյան
«Կարեն Դեմիրճյանի անվան մարզահամերգային համալիր» ՓԲԸ-ն չի պատրաստվում զիջումների գնալ և հաշտվել կառույցի վաճառքի հետ:Այս մասին այսօր լրագրողների հետ հանդիպման ժամանակ հայտնեց Մարզահամերգային համալիրի հասարակայնության հետ կապերի և լրատվության պատասխանատու Կորյուն Գրիգորյանը:
«Այն ինչ-որ մենք անելու ենք, անելու ենք իրավական դաշտում և երբևիցե չենք իջնելու մեր բարձրունքից: ՓԲԸ-ն դատական հայց է ներկայացրել ուղղված ԴԱՀԿ-ին: Վերջինիս երևանյան կառույցը ոչ իրավական կառույց է, ուստի այն իրավունք չուներ աճուրդի դնել կառույցը և ոչ օրինական առք ու վաճառք կազմակերպել: Մենք պահանջում ենք անհիմն ճանաչել այդ որոշումը»,- նշեց բանախոսը:
Բանախոսը ընդգծեց, որ սրան զուգահեռ ՓԲԸ-ն ներկայացրել է նաև մի շարք այլ հայցեր, որոնց չբավարարման դեպքում պատրաստվում է բողոքարկել դատարանի որոշումը:
Անդրադառնալով շենքը ՊՆ-ին հանձնելու որոշմանը՝ բանախոսը նշեց, որ նման որոշումը կասկածի տակ է դնում կառույցի հետագա գործառույթների հարցը: Թե որպես ինչ է ծառայելու շենքը հետագայում, դեռևս պարզ չէ:
Վարդուհի Ստեփանյան