Այսօր ԽՍՀՄ Հերոս Արմեն Հայրյանի ծննդյան օրն է

ՀԱՅՐՅԱՆ ԱՐՄԵՆ ԹԵՎԱՆԻ

(20.09.1910, գ. Տող, Հադրութի շրջ., ԼՂՀ-13.02.1966): Զորակոչվել է ԶՈւ 25.09.31-ին Սամարղանդի ՔԶԿ-ի կողմից: Ավիազորամասում 4 տարի մեխանիկ է աշխատել: Ավարտել է ՕԴ (1940, Տաշքենդ), ապա' ռազմական ավիադպրոց (Էնգելս): ՀՄՊ-ին մասնակցել է 22.06.41-ից: Տիրասպոլի պաշտպանության մարտերում կատարել է 40 թռիչք: 1941 նոյեմբերին Կրեմենչուգի մատույցներում ոչնչացրել է հակառակորդի բենզինե ցիստերները և մոտ 200 հոգի, 1941 սեպտեմբերին Պոլտավայի օդանավակայանում խմբի կազմում' 14 ինքնաթիռ, Գուդերիանի տանկային շարասյունից' 11 տանկ, ինչի համար պարգևատրվել է Կարմիր աստղի շքանշանով: 26.06.42-ին Հ. վեցյակը Բրյանսկի օդանավակայանում ոչնչացրել է 14 ինքնաթիռ, օգոստոսին' խափանել հակառակորդի գետանցումը Դոնով:

Ստալինգրադի ճակատամարտում կատարել է 17 թռիչք, պարգևատրվել Կարմիր դրոշի 2-րդ շքանշանով: 1943 հոկտեմբերի դրությամբ Հ. կատարել էր 105, իսկ նրա ԱԷ' 324 հաջող մարտական թռիչք, ինչի արդյունքում հակառակորդին նշանակալից վնաս էր պատճառվել: Հատկապես աչքի է ընկել հակառակորդի Տագանրոգյան խմբավորման ջախջախման և Դոնբասի ազատագրման ժամանակ: 105 գրոհային հաջող մարտական թռիչքի, Տագանրոգի խմբավորման ոչնչացման ու Դոնբասի ազատագրման, արիության և հերոսության համար ԱԷ հրամանատար կապիտան Ա. Թ. Հայրյանին ԽՍՀՄ ԳԽՆ 1944 ապրիլի 13-ի հրամանագրով շնորհվել է Խորհրդային Միության հերոսի կոչում, պարգևատրվել է Լենինի շքանշանով և «Ոսկե աստղ» մեդալով:

ՀՄՊ-ի մարտերում Հ. ավիաէսկադրիլյան կատարել է 2600 մարտական թռիչք, ոչնչացրել 18 տանկ, 250 ավտոմեքենա, 6 զենիթա-հրետանային մարտկոց, ավելի քան 300 զինվոր: ՀՄՊ-ից հետո ծառայել է Մերձբալթիկայում 954-րդ ԳԱԳ հրամանատարի տեղակալ: Ավարտել է ՌՕՈւ ՀԿԿԴ (1948): Մայոր Հ. զորացրվել է 1951: Ապրել է Տաշքենդում: Պարգևատրվել է Ալ. Նևսկու (24.05.45), Կարմիր դրոշի (5.02.42, 12.12.42), Կարմիր աստղի (5.11.46) շքանշաններով և «Մարտական վաստակի համար» (3.11.44) մեդալով:

Մայր Հայաստան զինվորական թանգարան. ֆեյսբուք: