Ինչո՞ւ մեզանում քաղաքացիական հասարակությունը դեռևս լիարժեք ձևավորված չէ. պարզաբանում է. Լարիսա Ալավերդյանը

Հայաստանը քաղաքացիական հասարակություն կառուցելու ճանապարհին անցել է գովելի ուղի: Նման կարծիք այսօր լրագրողների հետ հանդիպման ժամանակ հայտնեց «Ընդդեմ իրավական կամայականությունների» ՀԿ գործադիր տնօրեն Լարիսա Ալավերդյանը:

Ըստ բանախոսի՝ հանրապետությունում ՔՀ ձևավորման հիմքերը դրվեցին Ղարաբաղյան հակամարտության ժամանակներից, երբ երկրում սկսեց կարևորվել ժողովրդավարությունը:

«Շոտլանդիայի ժողովուրդն անկախություն ձեռք բերելու ճանապարհին էր: Հանրաքվեի ընթացքում 45 %-ը կողմ քվեարկեց անկախությանը, ու թեև Շոտլանդիան չանկախացավ, բայց Մեծ Բրիտանիայի վարչապետը խոստացավ, որ մինչև հունվար սահմանադրական փոփոխություններ կկատարվեն շոտլանդացիների օգտին: Սա ժողովրդավարության դրսևորման հրաշալի օրինակ է»,-նշեց բանախոսը:

Բանախոսը ընդգծեց, որ մեզանում որպես ՔՀ-ի ձևավորմանը նպաստող շարժում համարում է «Դեմ եմ»-ի ակտիվությունը: «Մեզանում ՔՀ-ն դեռ կայացած չէ, քանի որ մեր խնդիրը պետք է լինի ոչ միայն ակտիվություն ցուցաբերելը, այլ կայացրած որոշումների վրա ազդելը» -եզրափակեց բանախոսը»:

Վարդուհի Ստեփանյան