Ռուսաստանի միջազգային մեկուսացումը խիստ բացասական է լինելու առաջին հերթին Հայաստանի համար

«Ժողովուրդ» թերթը գրում է. «Ակնհայտ է դառնում, որ Ռուսաստանը գնում է միջազգային մեկուսացման' այդտեղից բխող բոլոր հետևանքներով: Դրանք խիստ բացասական են լինելու առաջին հերթին Հայաստանի համար, որի տնտեսության գերակշիռ մասը գտնվում է ռուսների տնօրինության տակ: ՌԴ նկատմամբ կիրառվող պատժամիջոցները լրջորեն հարվածելու են Հայաստանի տնտեսությանը միանգամից մի քանի ուղղություններով:

Նախ' շեշտակիորեն կկրճատվեն ՌԴ-ից Հայաստան ուղղվող դրամական փոխանցումները, բացի այդ' ՌԴ-ում սոցիալական վիճակի լարման հետևանքով (ինչն անխուսափելի է դառնալու կիրառվելիք պատժամիջոցների արդյունքում) ՌԴ-ում ապրող ավելի քան երկու միլիոն հայերի զգալի մասը կարող է զրկվել աշխատանքից, և նրանց' Հայաստան վերադարձը կարող է հանգեցնել սոցիալական պայթյունի:

Ինչ վերաբերում է Հայաստանի ներսում կատարվելիք փոփոխություններին, ապա արդեն հայտնի է, որ պատժամիջոցները կիրառվելու են նաև «Գազպրոմբանկ»-ի, «Ռոսնեֆտ»-ի և «ՎՏԲ բանկ»-ի նկատմամբ, որոնք լայնածավալ գործունեություն են իրականացնում Հայաստանում»: 

Առավել մանրամասն՝ «Ժողովուրդ» թերթի այսօրվա համարում: