Որքանո՞վ են կարևոր կաթնատամները մարդու առողջության համար. պարզաբանում է բժիշկ-օրթոդենտ Արթուր Փափազյանը

Բերանի խոռոչի հիվանդությունների առաջացման գխավոր պատճառներից մեկը կաթնատամներին ոչ բավարար չափով ուշադրություն դարձնելն է:

«Կաթնատամները հաճախ ծնողների կողմից չեն դիտարկվում որպես լուրջ խնդիր առաջացնող ատամներ, մինչդեռ դրանց ախտահարումը հիմք է դառնում լուրջ հիվանդությունների համար: Կաթնատամի վնասումն ավելի մեծ խնդիրների առաջ կարող է կանգնեցնել, քան մնացած ատամներինը: Դրանց չբուժման դեպքում կարող են առաջանալ կարիես և ատամի ծռվածություն, որոնք իրենց հերթին նոր խնդիրների առաջացման պատճառ կդառնան»,-այսօր լրագրողների հետ հանդպման ժամանակ նման կարծիք հայտնեց «Սոնատո» ատամնաբուժարանի տնօրեն, բժիշկ-օրթոդենտ, գիտությունների դոկտոր Արթուր Փափազյանը:

Վերջինիս կարծիքով` ժամանակին բժշկի չդիեմելու պատճառները միայն ֆինասական գործոնով չեն պայմանավորված: Ըստ բանախոսի` սա հայկական մոտեցում է, քանի որ ի տարբերություն եվրոպացիների, ովքեր ատամի վրա աննշան բծեր հայտնվելու դեպքում անգամ դիմում են բժշկի, իսկ մեր հասարակությունը հաճախ բժշկի է դիմում հիվանդության խորացած ստադիայի ժամանակ:

Ինչ վերաբերում է ֆինասական կողմին, ապա բանախոսը նշեց, որ մեզանում ատամնաբուժարանների մատուցած ծառայությունների դիմաց գներն ավելի մատչելի են, քան Եվրոպայում: Բժիշկ-օրթոդենտը հավելեց, որ չնայած ատամնաբույժների առջև դրված խնդիրները բարդացել են, բայց ծառայությունների արժեքը մնացել է նույնը:

Վարդուհի Ստեփանյան